ಐಎಲ್‌ಟಿ20: ಅಬುಧಾಬಿ ತಂಡಕ್ಕೆ ಆ್ಯಂಡ್ರೆ ರಸೆಲ್‌, ಸುನೀಲ್‌ ನಾರಾಯಣ್‌

ಅಬುಧಾಬಿ: ಚೊಚ್ಚಲ ಇಂಟರ್‌ನ್ಯಾಶನಲ್‌ ಲೀಗ್‌ ಟಿ20 (ಐಎಲ್‌ಟಿ20) ಪಂದ್ಯಾವಳಿಗೆ ಅಬು ಧಾಬಿ ನೈಟ್‌ರೈಡರ್ ತಂಡ ಪ್ರಕಟ ಗೊಂಡಿದೆ.

ವೆಸ್ಟ್‌ ಇಂಡೀಸ್‌ ಕ್ರಿಕೆಟಿಗ ರಾದ ಆ್ಯಂಡ್ರೆ ರಸೆಲ್‌ ಮತ್ತು ಸುನೀಲ್‌ ನಾರಾಯಣ್‌ ಇಲ್ಲಿಯೂ ಒಟ್ಟಿಗೆ ಆಡುವುದು ಈ ತಂಡದ ವಿಶೇಷ.

ರಸೆಲ್‌ ಮತ್ತು ನಾರಾಯಣ್‌ ಐಪಿಎಲ್‌ನಲ್ಲಿ ಕೋಲ್ಕತಾ ನೈಟ್‌ರೈಡರ್, ಕೆರಿಬಿಯನ್‌ ಕ್ರಿಕೆಟ್‌ ಲೀಗ್‌ನಲ್ಲಿ ಟ್ರಿನ್‌ಬಾಗೊ ನೈಟ್‌ರೈಡರ್ ತಂಡವನ್ನು ಪ್ರತಿನಿಧಿಸುತ್ತಿದ್ದರು. ಇಂಗ್ಲೆಂಡ್‌ನ‌ ಜಾನಿ ಬೇರ್‌ಸ್ಟೊ, ಐರ್ಲೆಂಡ್‌ನ‌ ರನ್‌ಯಂತ್ರ ಪಾಲ್‌ ಸ್ಟರ್ಲಿಂಗ್‌ ಕೂಡ ಅಬುಧಾಬಿ ತಂಡದಲ್ಲಿದ್ದಾರೆ.

ಅಬುಧಾಬಿ ನೈಟ್‌ರೈಡರ್ ತಂಡ: ಸುನೀಲ್‌ ನಾರಾಯಣ್‌, ಆ್ಯಂಡ್ರೆ ರಸೆಲ್‌, ಜಾನಿ ಬೇರ್‌ಸ್ಟೊ, ಪಾಲ್‌ ಸ್ಟರ್ಲಿಂಗ್‌, ಲಹಿರು ಕುಮಾರ, ಚರಿತ ಅಸಲಂಕ, ಕಾಲಿನ್‌ ಇನ್‌ಗ್ರಾಮ್ , ಅಖೀಲ್‌ ಹುಸೇನ್‌, ಸಿಕ್ಕುಗೆ ಪ್ರಸನ್ನ, ರವಿ ರಾಮ್‌ಪಾಲ್‌, ರೇಮನ್‌ ರೀಫ‌ರ್‌, ಕೆನ್ನರ್‌ ಲೂಯಿಸ್‌, ಅಲಿ ಖಾನ್‌, ಬ್ರ್ಯಾಂಡನ್‌ ಗ್ಲೋವರ್‌.