ಅ-17 ಫ‌ುಟ್ಬಾಲ್‌ ವಿಶ್ವಕಪ್‌ ಭಾರತದಲ್ಲಿ ಅಲೆ ಎಬ್ಬಿಸಲಿದೆ: ಗಿಗ್ಸ್‌

ಮುಂಬೈ: 17 ವರ್ಷದೊಳಗಿನ ಫ‌ುಟ್ಬಾಲ್‌ ವಿಶ್ವಕಪ್‌ ಆತಿಥ್ಯ ಭಾರತದಲ್ಲಿ ಫ‌ುಟ್ಬಾಲ್‌ ಅಲೆಯನ್ನು ಎಬ್ಬಿಸಲಿದೆ ಎಂದು ಮಾಜಿ ಫ‌ುಟ್ಬಾಲ್‌ ಆಟಗಾರ, ಕೋಚ್‌ ರಯಾನ್‌ ಗಿಗ್ಸ್‌ ತಿಳಿಸಿದ್ದಾರೆ.

ಫ‌ುಟ್ಸಲ್‌ ಪ್ರೀಮಿಯರ್‌ ಲೀಗ್‌ಗೆ ಭಾರತಕ್ಕೆ ಆಗಮಿಸಿರುವ ಗಿಗ್ಸ್‌ ಮಾಧ್ಯಮಗಳ ಜತೆ ಮಾತನಾಡಿ, ಭಾರತದಲ್ಲಿ ಕ್ರಿಕೆಟ್‌ಗೆ ದೊಡ್ಡ ಅಭಿಮಾನಿಗಳು ಇದ್ದಾರೆ ಅನ್ನುವುದು ಗೊತ್ತು. ಆದರೆ ಫ‌ುಟ್ಬಾಲ್‌ಗೆ ಕೂಡ ದೊಡ್ಡ ಪ್ರಮಾಣದಲ್ಲಿ ಅಭಿಮಾನಿಗಳಿದ್ದಾರೆ. ಹೀಗಾಗಿ ಅ-17 ಫ‌ುಟ್ಬಾಲ್‌ ವಿಶ್ವಕಪ್‌ ಭಾರತದಲ್ಲಿ ಫ‌ುಟ್ಬಾಲ್‌ ಅಭಿವೃತ್ತಿಗೆ ಉತ್ತೇಜನ ನೀಡಲಿದೆ. ಇಲ್ಲಿಯ ಮಾಧ್ಯಮಗಳು ಕೂಡ ಫ‌ುಟ್ಬಾಲ್‌ಗೆ ಆಧ್ಯತೆ ನೀಡುತ್ತಿರುವುದು ಸಂತಸದ ಸಂಗತಿ ಎಂದು ಹೇಳಿದ್ದಾರೆ.