ಏ.20 ರ‌ ನಂತರ ದ್ವಿಚಕ್ರ ವಾಹನಗಳ ಸಂಚಾರಕ್ಕೆ ಅವಕಾಶ: ಬಿಎಸ್ ಯಡಿಯೂರಪ್ಪ

ಬೆಂಗಳೂರು: ರಾಜ್ಯದಲ್ಲಿ ಮೇ. ಮೂರರವರೆಗೆ ನಿಷೇಧಾಜ್ಞೆ ಜಾರಿಯಲ್ಲಿರುತ್ತದೆ. ಆದರೆ ಏಪ್ರಿಲ್ 20ರ‌ ನಂತರ ದ್ವಿಚಕ್ರ ವಾಹನಗಳ ಸಂಚಾರಕ್ಕೆ ಅವಕಾಶ ನೀಡಲಾಗುವುದು ಎಂದು ಮುಖ್ಯಮಂತ್ರಿ ಬಿ ಎಸ್ ಯಡಿಯೂರಪ್ಪ ಹೇಳಿದರು.

ಕೋವಿಡ್-19 ಪರಿಸ್ಥಿತಿ ಕುರಿತು‌ ಅಧಿಕಾರಿಗಳ ಜತೆ ಮುಖ್ಯಮಂತ್ರಿ ಯಡಿಯೂರಪ್ಪ ಸಮಾಲೋಚನೆ ನಡೆಸಿದರು. ಶನಿವಾರ ರಾಜ್ಯದಲ್ಲಿ 12 ಪ್ರಕರಣ ಪತ್ತೆಯಾಗಿರುವುದು ಸ್ವಲ್ಪ‌ ಸಮಾಧಾನ ತಂದಿದೆ ‌ಎಂದರು.

ಏಪ್ರಿಲ್ 20ರ ನಂತರ ಐಟಿ ವಲಯದಲ್ಲಿ ಶೇ. 30 ರಷ್ಟು ಕೆಲಸಕ್ಕೆ ಅವಕಾಶ ನೀಡಲಾಗುವುದು. ಆದರೆ ಹೊಸ ಪಾಸ್ ವಿತರಣೆ ಮಾಡುವುದಿಲ್ಲ. ಕಚೇರಿ ಗುರುತಿನ ಚೀಟಿ ಸಾಕು. ಆದರೆ ಕಾರಿನಲ್ಲಿ ಓಡಾಟಕ್ಕೆ ಪಾಸ್ ಅಗತ್ಯ ಎಂದರು.

ಕಂಟೋನ್ಮೆಂಟ್ ಜೋನ್ ಎಂದು‌ ಗುರುತಿಸಿರುವ ಹಾಟ್ ಸ್ಪಾಟ್ ಪ್ರದೇಶಗಳಲ್ಲಿ ಕಟ್ಟು ನಿಟ್ಟಿನ ‌ಲಾಕ ಡೌನ್ ಮುಂದುವರಿಸಲಾಗುವುದು ಎಂದರು.

ಅಂತರ ಜಿಲ್ಲಾ ಓಡಾಟಕ್ಕೆ ಅವಕಾಶ‌ವಿಲ್ಲ. ಕಟ್ಟಡ ನಿರ್ಮಾಣ ಸಾಮಾಗ್ರಿ ಸಾಗಾಟಕ್ಕೆ ಅವಕಾಶ ನೀಡಲಾಗುವುದು ಎಂದು ಯಡಿಯೂರಪ್ಪ ಹೇಳಿದರು.