ರಾಜಸ್ಥಾನ: ಜಡಿಮಳೆಗೆ ಕುಸಿದ ಮನೆ ಸೂರು; ಸಹೋದರಿಯರಿಬ್ಬರ ಸಾವು

ಕೋಟ, ರಾಜಸ್ಥಾನ : ರಾಜಸ್ಥಾನದ ಬರಾನ್‌ ನಲ್ಲಿ  ಸುರಿಯುತ್ತಿರುವ ಜಡಿಮಳೆಯಿಂದಾಗಿ ಮನೆಯೊಂದರ ಸೂರು ಕುಸಿದ ದುರಂತದಲ್ಲಿ ಇಬ್ಬರು ಸಹೋದರಿಯರು ದಾರುಣವಾಗಿ ಮೃತಪಟ್ಟಿರುವ ಘಟನೆ ವರದಿಯಾಗಿದೆ. 

ಕವಾಯಿ ಪೊಲೀಸ್‌ ಠಾಣೆ ವ್ಯಾಪ್ತಿಗೆ ಒಳಪಡುವ ಕುನ್ವಾರ್‌ಪುರ ಗ್ರಾಮದಲ್ಲಿ ನಡೆದಿರುವ ಈ ದುರಂತದಲ್ಲಿ ಮೃತಪಟ್ಟಿರುವ ಸೋದರಿಯರನ್ನು ಲಕ್ಷ್ಮೀ ಬೈರಾಗಿ (10) ಮತ್ತು ಪಿಂಕಿ (15) ಎಂದು ಗುರುತಿಸಲಾಗಿದೆ. 

ನಿರಂತರ ಮಳೆಯಿಂದ, ನೀರು ಒಳಗೆ ಒಸರುತ್ತಿದ್ದು ಮನೆಯ ಗೋಡೆಗಳು ದುರ್ಬಲವಾಗಿದ್ದವು. ನಿನ್ನೆಯ ಜಡಿಮಳೆಗೆ ಮನೆ ಮಂದಿ ಮಲಗಿದ್ದಾಗ ನಸುಕಿನ 3 ಗಂಟೆ ಸುಮಾರಿಗೆ ಮನೆಯ ಸೂರು ಕುಸಿದು ಸಹೋದರಿಯರಿಬ್ಬರನ್ನು ಬಲಿ ಪಡೆಯಿತು ಎಂದು ಪೊಲೀಸರು ತಿಳಿಸಿದ್ದಾರೆ.