ಪಾಕ್‌ ತರಬೇತಿ ಪಡೆದ ಇಬ್ಬರು ಎಲ್‌ಇಟಿ ಉಗ್ರರ ಸೆರೆ

ಶ್ರೀನಗರ : ಪಾಕಿಸ್ಥಾನದ ಮೂಲ ಲಷ್ಕರ್‌ ಎ ತಯ್ಯಬ ಸಂಘಟನೆಯಿಂದ ತರಬೇತಾದ ಇಬ್ಬರು ಉಗ್ರರನ್ನು ಭದ್ರತಾ ಪಡೆಗಳು ಇಂದು ಕಾಶ್ಮೀರದ ಬಾರಾಮುಲ್ಲಾ ಜಿಲ್ಲೆಯಲ್ಲಿ ಬಂಧಿಸಿರುವುದಾಗಿ ಪೊಲೀಸರು ತಿಳಿಸಿದ್ದಾರೆ.

ಈ ಇಬ್ಬರು ಉಗ್ರರು ಪಾಕಿಸ್ಥಾನದ ಅಧಿಕೃತ ವೀಸಾದಲ್ಲಿ ಪಾಕಿಗೆ ಅಲ್ಲಿಗೆ ಹೋಗಿ ಉಗ್ರ ತರಬೇತಿಯನ್ನು ಪಡೆದಿದ್ದರು.ಕಾಶ್ಮೀರ ಕಣಿವೆಯಲ್ಲಿ ಭಯೋತ್ಪಾದಕ ಚಟುವಟಿಕೆಗಳನ್ನು ನಡೆಸುವ ಸಲುವಾಗಿ ಅವರ ತರಬೇತಿ ಪಡೆದಿದ್ದರು.

ಕಾಶ್ಮೀರ ಪೊಲೀಸರು, ಸೇನೆ ಮತ್ತು ಸಿಆರ್‌ಪಿಎಫ್ ಸಿಬಂದಿಗಳು ನಡೆಸಿದ ಜಂಟಿ ಕಾರ್ಯಾಚರಣೆಯಲ್ಲಿ ಈ ಇಬ್ಬರು ಉಗ್ರರನ್ನು ಬಂಧಿಸಲಾಯಿತು ಎಂದು ಪೊಲೀಸ್‌ ವಕ್ತಾರ ತಿಳಿಸಿದ್ದಾರೆ.