Trainರಾಜ್ಯಕ್ಕೆ ಇನ್ನೆರಡು ವಂದೇ ಭಾರತ್‌ ರೈಲು?ತಿರುವನಂತಪುರದಿದ ಮಂಗಳೂರಿಗೆ ಮತ್ತೊಂದು ರೈಲು

ತಿರುವನಂತಪುರ/ಹೈದರಾಬಾದ್‌:ಶೀಘ್ರದಲ್ಲಿಯೇ ಕರ್ನಾಟಕಕ್ಕೆ 2 ವಂದೇಭಾರತ್‌ ರೈಲು ಸಂಚಾರ ಲಭ್ಯವಾಗುವ ಸಾಧ್ಯತೆ ಇದೆ.

ತಿರುವನಂತಪುರದಿಂದ ಮಂಗಳೂರು, ಯಶವಂತಪುರದಿಂದ ಹೈದರಾಬಾದ್‌ನ ಕಾಚೇಗುಡ ಸೇರಿದಂತೆ 10 ಹೊಸ ವಂದೇ ಭಾರತ್‌ ಎಕ್ಸ್‌ಪ್ರೆಸ್‌ ರೈಲುಗಳ ಸಂಚಾರಕ್ಕೆ ಭಾರತೀಯ ರೈಲ್ವೇ ಚಿಂತನೆ ನಡೆಸಿದೆ. ಈಗಾಗಲೇ ಮೈಸೂರು -ಬೆಂಗಳೂರು-ಚೆನ್ನೈ, ಹುಬ್ಬಳ್ಳಿಯಿಂದ ಬೆಂಗಳೂರಿಗೆ ವಂದೇ ಭಾರತ್‌ ಎಕ್ಸ್‌ಪ್ರೆಸ್‌ ರೈಲುಗಳು ಸಂಚರಿಸುತ್ತಿವೆ.
ಕರಾವಳಿ ನಗರ ಮಂಗಳೂರಿಗೆ ಮೊದಲ ವಂದೇ ಭಾರತ್‌ ಎಕ್ಸ್‌ಪ್ರೆಸ್‌ ಶೀಘ್ರವೇ ಸಂಚಾರವಾಗಲಿದೆ.

ಸದ್ಯ ಇರುವ ವಂದೇಭಾರತ್‌ ತಿರುವನಂತಪುರದಿಂದ ಬೆಳಗ್ಗೆ 5.20ಕ್ಕೆ ಹೊರಟು, ಕಾಸರಗೋಡಿಗೆ ಮಧ್ಯಾಹ್ನ 1.20ಕ್ಕೆ ತಲಪುತ್ತದೆ. ಹೊಸ ರೈಲು ಪ್ರತಿದಿನ 1.20ಕ್ಕೆ ಮಂಗಳೂರಿನಿಂದ ಹೊರಡುವಂತೆ ವೇಳಾಪಟ್ಟಿ ಸಿದ್ಧಪಡಿಸಲಾಗುತ್ತಿದೆ.

ಹೀಗಾಗಿ, ಮಂಗಳೂರಿನಿಂದ ತಿರುವನಂತಪುರ ಮಾರ್ಗದಲ್ಲಿನ ಕೆಲವು ರೈಲುಗಳ ವೇಳಾಪಟ್ಟಿಯನ್ನು ಈಗಾಗಲೇ ಬದಲಾವಣೆ ಮಾಡಲಾಗಿದೆ.