ಶಿಮ್ಲಾ : ಹಿಮಾಚಲ ಪ್ರದೇಶದ ಕಾಂಗ್ರಾ ಜಿಲ್ಲೆಯಲ್ಲಿನ ಅಣೆಕಟ್ಟಿನಲ್ಲಿ ಇಬ್ಬರು ಬಾಲಕರು ಮುಳುಗಿ ಮೃತಪಟ್ಟಿರುವ ದಾರುಣ ಘಟನೆ ವರದಿಯಾಗಿದೆ.
ಫ‌ತೇಪುರ ತೆಹಶೀಲ್‌ ನ ಮನಗಢ ಸಮೀಪದ ಪಾಂಗ್‌ ಅಣೆಕಟ್ಟಿನಲ್ಲಿ ಉನಾ ಜಿಲ್ಲೆಯ ಘನಾರಿ ತೆಹಶೀಲ್‌ನ ಪ್ರೀತಿಪುರ ಗ್ರಾಮದ ನಿವಾಸಿಗಳಾದ ರಾಹುಲ್‌ ಕುಮಾರ್‌ ಮತ್ತು ದೀಪಕ್‌ ಎಂಬ ಬಾಲಕರಿಬ್ಬರು ಮುಳುಗಿ ಮೃತಪಟ್ಟರು ಎಂದು ಪೊಲೀಸರು ತಿಳಿಸಿದ್ದಾರೆ.
ಎನ್‌ಡಿಆರ್‌ಎಫ್ (ರಾಷ್ಟ್ರೀಯ ವಿಕೋಪ ಸ್ಪಂದನ ದಳ) ಸಿಬಂದಿಗಳು ಮೃತ ಬಾಲಕರ ಶವಗಳನ್ನು ಮೇಲಕ್ಕೆತ್ತುವಲ್ಲಿ ಸಫ‌ಲರಾದರೆಂದು ಪೊಲೀಸರು ತಿಳಿಸಿದ್ದಾರೆ.
ಮೃತ ಬಾಲಕರ ಕುಟುಂಬಕ್ಕೆ 10,000 ರೂ.ಗಳ ಮಧ್ಯಂತರ ಪರಿಹಾರ ನೀಡಲಾಗಿದೆ ಎಂದು ವರದಿಗಳು ತಿಳಿಸಿವೆ.
