ಟ್ವಿಟರ್‌ ಅಧಿಕಾರಿಗಳಿಂದ ಸಂಸತ್‌ ಸಮಿತಿಗೆ ವಿವರಣೆ

ಹೊಸದಿಲ್ಲಿ: ಮೈಕ್ರೋ ಬ್ಲಾಗಿಂಗ್‌ ಜಾಲತಾಣ ಟ್ವಿಟರ್‌ನ ಭಾರತೀಯ ಅಧಿಕಾರಿಗಳು ಬುಧವಾರ, ಮಹಿಳೆಯ ಸಬಲೀಕರಣದ ಸಂಸದೀಯ ಸಮಿತಿಯ ಮುಂದೆ ಹಾಜರಾಗಿ, ಆನ್‌ಲೈನ್‌ ಕ್ಷೇತ್ರದಲ್ಲಿ ಮಹಿಳೆಯರ ಸುರಕ್ಷತೆಗೆ ಹಾಗೂ ಮಹಿಳೆಯರ ವಿರುದ್ಧದ ಕಿರುಕುಳಗಳ ವಿಚಾರದಲ್ಲಿ ತಾನು ಅಳವಡಿಸಿಕೊಂಡಿರುವ ಕ್ರಮಗಳ ಬಗ್ಗೆ ವಿವರಣೆ ಸಲ್ಲಿಸಿದರು.

ಜತೆಗೆ, ತನ್ನ ಮಹಿಳಾ ಗ್ರಾಹಕರಿಗೆ ತನ್ನ ಬೇರೊಬ್ಬ ಗ್ರಾಹಕರ ಮೂಲಕ ಆನ್‌ಲೈನ್‌ ಮಾದರಿಯ ಮೋಸ, ವಂಚನೆ ಅಥವಾ ಮತ್ಯಾವುದೇ ಕಿರುಕುಳಗಳು ಉಂಟಾದಾಗ ಅಂಥ ಪ್ರಕರಣಗಳನ್ನು ನಿಭಾಯಿಸಲು ತಾನು ಅಳವಡಿಸಿಕೊಂಡಿರುವ ಕ್ರಮಗಳನ್ನೂ ಅಧಿಕಾರಿಗಳು, ಸಮಿತಿ ಸದಸ್ಯರಿಗೆ ವಿವರಿಸಿದರು.