2021ರಲ್ಲಿ ಮತ್ತೆ ಬರಲಿದೆ ಟ್ವಿಟರ್‌ ಬ್ಲೂ ಟಿಕ್‌

ಹೊಸದಿಲ್ಲಿ: ಅಧಿಕೃತ ಸಕ್ರಿಯ ಖಾತೆದಾರರನ್ನು ಗುರುತಿಸಲು ತಾನು ಬಳಸುವ ನೀಲಿ ಟಿಕ್‌ ಪ್ರಕ್ರಿಯೆಗೆ 2021ರಿಂದ ಮರುಚಾಲನೆ ನೀಡಲು ಟ್ವಿಟರ್‌ ನಿರ್ಧರಿಸಿದೆ. ಮೂರು ವರ್ಷಗಳ ಹಿಂದೆ ಟ್ವಿಟರ್‌ ತನ್ನ ಪಬ್ಲಿಕ್‌ ವೆರಿಫಿಕೇಷನ್‌ ಯೋಜನೆಯನ್ನು ನಿಲ್ಲಿಸಿತ್ತು. ಬ್ಲೂ ಟಿಕ್‌ ನೀಡು ವ ಪ್ರಕ್ರಿಯೆಯ ವಿಚಾರದಲ್ಲಿ ಜನರಿಂದ ಗೊಂದಲ ಹಾಗೂ ಬ್ಲೂ ಟಿಕ್‌ ನೀಡುವಿಕೆಯಲ್ಲಿ ಪೂರ್ವಗ್ರಹ ತೋರಿಸುತ್ತಿದೆ ಎಂದು ಟೀಕೆ ವ್ಯಕ್ತವಾಗಿದ್ದ ಕಾರಣ ಅದು ಹಾಗೆ ಮಾಡಿತ್ತು.

ಈ ನಿಟ್ಟಿನಲ್ಲಿ ತಾನು ಹೊಸ ನೀತಿಯನ್ನು ರಚಿಸಿರುವುದಾಗಿ ಘೋಷಿಸಿರುವ ಟ್ವಿಟರ್‌ ಸಂಸ್ಥೆ ನವೆಂಬರ್‌ 24ರಿಂದ ಡಿಸೆಂಬರ್‌ 8ರವರೆಗೆ ತನ್ನ ನವ ನೀತಿಯ ಕುರಿತು ಅಭಿಪ್ರಾಯ ಹಂಚಿಕೊಳ್ಳುವಂತೆ ಬಳಕೆದಾರರಿಗೆ ವಿನಂತಿಸಿದೆ. ಯಾವ ಅಕೌಂಟ್‌ ವೆರಿಫೈ ಆಗುತ್ತದೆ, ವೆರಿಫಿಕೇಷನ್‌ಗೆ ಯಾರು ಅರ್ಹರು, ಹಾಗೂ ಯಾರ ಬ್ಲೂಟಿಕ್‌ ವೆರಿಫಿಕೇಷನ್‌ ಅನ್ನು ಅಳಸಿಹಾಕಲಾಗುತ್ತದೆ ಎನ್ನುವ ವಿವರ ಈ ನಿತಿಯಲ್ಲಿ ಇರಲಿದೆ.

ಸರ್ಕಾರಿ, ಕಂಪನಿಗಳು, ಬ್ರಾಂಡ್‌ಗಳು, ಕ್ರೀಡಾಪಟುಗಳು, ಸಿನೆಮಾ ನಟರು, ಸುದ್ದಿ ಮಾಧ್ಯಮಗಳ ಖಾತೆಗಳು ಹಾಗೂ ಇತರೆ ಪ್ರಭಾವಿ ಸಕ್ರಿಯ ವ್ಯಕ್ತಿಗಳ ಖಾತೆಗಳಿಗೆ ಈ ಹಿಂದೆ ಟ್ವಿಟರ್‌ ಬ್ಲೂ ಟಿಕ್‌ ಜಾರಿಗೊಳಿಸಿತ್ತು. ಇನ್ನು ಮುಂದೆ ಬ್ಲೂ ಟಿಕ್‌ ಪಡೆಯಲಿರುವ ಯಾವುದೇ ಖಾತೆ ಸಕ್ರಿಯವಾಗಿ ಇರದಿದ್ದರೆ ಅಥವಾ ಟ್ವಿಟರ್‌ನ ನಿಯಮಾವಳಿಗಳನ್ನು ಉಲ್ಲಂ ಸಿದರೆ, ಆ ಖಾತೆಯ ಬ್ಲೂ ಟಿಕ್‌ ರದ್ದುಗೊಳಿಸಲಾಗುವುದು ಎಂದು ಸಂಸ್ಥೆ ತಿಳಿಸಿದೆ.