ದ್ಯುತಿಗೆ ಅವಳಿ ಸ್ವರ್ಣ

ರಾಂಚಿ: ಭಾರತದ ಸ್ಟಾರ್‌ ಓಟಗಾರ್ತಿ ದ್ಯುತಿ ಚಂದ್‌ 59ನೇ ರಾಷ್ಟ್ರೀಯ ಓಪನ್‌ ಆ್ಯತ್ಲೆಟಿಕ್ಸ್‌ ಚಾಂಪಿಯನ್‌ಶಿಪ್‌ನಲ್ಲಿ ಭರ್ಜರಿ ಪ್ರದರ್ಶನದೊಂದಿಗೆ 2 ಸ್ವರ್ಣ ಪದಕ ಗೆದ್ದ ಸಾಧನೆ ಮಾಡಿದ್ದಾರೆ.

ದ್ಯುತಿ ಚಂದ್‌ 200 ಮೀ. ಓಟವನ್ನು 23.17 ಸೆಕೆಂಡ್‌ಗಳಲ್ಲಿ ಕ್ರಮಿಸಿ ಚಿನ್ನ ಗೆದ್ದರು. ಇದು ಪ್ರಸಕ್ತ ಋತುವಿನಲ್ಲಿ ದ್ಯುತಿ ಅವರ ವೇಗದ ದಾಖಲೆಯಾಗಿದೆ. ಇದಕ್ಕೂ ಮುನ್ನ 100 ಮೀ.ನಲ್ಲೂ ರಾಷ್ಟ್ರೀಯ ದಾಖಲೆ ನಿರ್ಮಿಸಿ ಚಿನ್ನದ ಪದಕ ಜಯಿಸಿದ್ದಾರೆ.

ಕಾರ್ತಿಕ್‌ ಉನ್ನಿಕೃಷ್ಣ ಟ್ರಿಪಲ್‌ ಜಂಪ್‌ನ ಅಂತಿಮ ಪ್ರಯತ್ನದಲ್ಲಿ 16.78 ಮೀ.ಜಿಗಿದು ಸ್ವರ್ಣ ಗೆದ್ದರು. ಚಿಂತಾ ಯಾದವ್‌ 3,000 ಮೀ. ಓಟವನ್ನು 10 ನಿಮಿಷ, 11.70 ಸೆಕೆಂಡ್‌ಗಳಲ್ಲಿ ಕ್ರಮಿಸಿದರು. ರೈಲ್ವೆಯ ಪಿ.ಯು. ಚಿತ್ರಾ 1,500 ಮೀ. ಹಾಗೂ 800 ಮೀ.ನಲ್ಲಿ ಚಿನ್ನ ಗೆದ್ದರು.