Olympics; ತೂಲಿಕಾ ಮಾನ್‌ ಗೆ ಒಲಿಂಪಿಕ್ಸ್‌ ಅರ್ಹತೆ

ಹೊಸದಿಲ್ಲಿ: ಭಾರತದ ಜೂಡೋಪಟು ತೂಲಿಕಾ ಮಾನ್‌ಗೆ ಪ್ಯಾರಿಸ್‌ ಒಲಿಂಪಿಕ್ಸ್‌ ಅರ್ಹತೆ ಲಭಿಸಿದೆ. ಅಂತಾರಾಷ್ಟ್ರೀಯ ಜೂಡೋ ಫೆಡರೇಶನ್‌ (ಐಜೆಎಫ್) ಮಂಗಳವಾರ ನೂತನ ರ್‍ಯಾಂಕಿಂಗ್‌ ಪ್ರಕಟಿಸಿದ್ದು, ತೂಲಿಕಾ 36ನೇ ಸ್ಥಾನ ಪಡೆದಿದ್ದಾರೆ. ಆದರೆ ಮಹಿಳೆಯರ 78+ ಕೆಜಿ ವಿಭಾಗದಲ್ಲಿ ಕಾಂಟಿನೆಂಟಲ್‌ ಕೋಟಾದಡಿಯಲ್ಲಿ ಇವರಿಗೆ ಪ್ಯಾರಿಸ್‌ ಟಿಕೆಟ್‌ ಲಭಿಸಿದೆ.

2022ರ ಕಾಮನ್ವೆಲ್ತ್‌ ಗೇಮ್ಸ್‌ನಲ್ಲಿ ಬೆಳ್ಳಿ ಪದಕ ಗೆದ್ದ ಸಾಧನೆ ತೂಲಿಕಾ ಅವರದಾಗಿತ್ತು.