ಪತ್ನಿಯರ ಕೆಲಸಕ್ಕೆ ಕೊಕ್‌

ವಾಷಿಂಗ್ಟನ್‌:  ಮಾಜಿ ಅಧ್ಯಕ್ಷ ಒಬಾಮಾ ಆಡಳಿತಾವಧಿಯಲ್ಲಿನ ಎಚ್‌-1ಬಿ ವೀಸಾ ನಿಯಮಗಳಲ್ಲಿನ ಒಂದೊಂದೇ ಅಂಶಗಳಿಗೆ ಹಾಲಿ ಅಧ್ಯಕ್ಷ ಡೊನಾಲ್ಡ್‌ ಟ್ರಂಪ್‌ ಬ್ರೇಕ್‌ ಹಾಕುತ್ತ ಬಂದಿದ್ದು, ಇದೀಗ ಎಚ್‌-1ಬಿ ಹೊಂದಿರುವವರ ಪತ್ನಿಯಂದಿರು ಕೆಲಸ ಕಳೆದುಕೊಳ್ಳುವ ಆತಂಕ ಸೃಷ್ಟಿಯಾಗಿದೆ. 

ಎಚ್‌-1ಬಿ ವೀಸಾ ಹೊಂದಿರುವ ವ್ಯಕ್ತಿಯ ಪತಿ ಅಥವಾ ಪತ್ನಿಯೂ ಕೆಲಸ ಮಾಡಲು ಒಬಾಮಾ ಅವರು ನೀಡಿದ್ದ ಅನುಮತಿಯನ್ನು ಇದೀಗ ಟ್ರಂಪ್‌ ಹಿಂಪಡೆಯಲು ಮುಂದಾಗಿ ದ್ದಾರೆ. ಇದು ಜಾರಿಗೆ ಬಂದಲ್ಲಿ ಸಾವಿರಾರು ಎಚ್‌-1ಬಿ ವೀಸಾದಾರ ಭಾರತೀಯರು ಕೆಲಸ ಕಳೆದುಕೊಳ್ಳಲಿದ್ದಾರೆ. ಇದು ಸಹಜವಾಗಿ ಅನಿ ವಾಸಿ ಭಾರತೀಯರಲ್ಲಿ ಆತಂಕದ ಛಾಯೆ ಮೂಡಿಸಿದೆ. ಒಬಾಮಾ ಆಡಳಿತಾವಧಿಯಲ್ಲಿ ಎಚ್‌-4 ವೀಸಾ ಪಡೆದು ಪತ್ನಿಯರೂ ಕೆಲಸ ಮಾಡಲು ಅವಕಾಶವಿತ್ತು. 2016ರಲ್ಲಿ ಎಚ್‌-4 ವೀಸಾ ಪಡೆದ 41,000ಕ್ಕೂ ಹೆಚ್ಚು ಮಂದಿ ಕೆಲಸ ಮಾಡುತ್ತಿದ್ದರು. ಈ ವರ್ಷ 36,000 ಮಂದಿಗಷ್ಟೇ ಎಚ್‌-4 ವೀಸಾದಡಿ ಜೂನ್‌ವರೆಗೆ ಕೆಲಸ ಮಾಡಲು ಅವಕಾಶ ನೀಡಲಾಗಿದೆ. 

ಅಮೆರಿಕದಲ್ಲಿ ಎಚ್‌-1ಬಿ ವೀಸಾದಡಿ ಉದ್ಯೋಗದಲ್ಲಿರುವ ವಿದೇಶಿಗರ ಪೈಕಿ ಭಾರತ ಹಾಗೂ ಚೀನದವರೇ ಜಾಸ್ತಿ ಇದ್ದಾರೆ. ಇದೀಗ ಎಚ್‌-1ಬಿ ವೀಸಾ ಪಡೆದವರೊಬ್ಬರೇ ಕೆಲಸ ಹೊಂದಿರಬೇಕು, ಪತ್ನಿ ಹಾಗೂ ಮಕ್ಕಳಿಗೆ ಕೆಲಸ ಮಾಡಲು ಅನುಮತಿ ನೀಡಲಾಗದು ಎಂಬ ನಿಯಮ ಜಾರಿಗೆ ಅಮೆರಿಕ ವಿದೇಶಾಂಗ ಇಲಾಖೆ ಮುಂದಾಗಿದೆ. ಇದೀಗ ಪ್ರಸ್ತಾವನೆಯ ಹಂತದಲ್ಲಿದೆ. 

ತೆರಿಗೆ ಪದ್ಧತಿಯಲ್ಲಿ ಬದಲಾವಣೆ: ಅಮೆರಿಕದಲ್ಲಿ ಸದ್ಯಕ್ಕೆ ಚಾಲ್ತಿಯಲ್ಲಿರುವ ತೆರಿಗೆ ಪದ್ಧತಿಯಲ್ಲಿ ಒಂದಿಷ್ಟು ಬದಲಾವಣೆ ತರಲು ಟ್ರಂಪ್‌ ಸರಕಾರ ಮುಂದಾಗಿದ್ದು, ರಿಪಬ್ಲಿಕ ನ್ನರಿಂದಲೂ ಸಮ್ಮತಿ ವ್ಯಕ್ತವಾಗಿದೆ.