ಅಮೆರಿಕ-ಚೀನ ಏರ್‌ಲೈನ್‌ ಸಮರ

ವಾಷಿಂಗ್ಟನ್‌: ಅಮೆರಿಕ- ಚೀನ ನಡುವಿನ ಬಿಕ್ಕಟ್ಟು ತಾರಕಕ್ಕೇರಿದ್ದು, ಚೀನದ 4 ವಿಮಾನಯಾನ ಸಂಸ್ಥೆಗಳಿಗೆ ಸೇರಿರುವ ಪ್ರಯಾಣಿಕ ವಿಮಾನಗಳಿಗೆ ನಿಷೇಧ ಹೇರಿ ಬುಧವಾರ ಅಮೆರಿಕ ಆದೇಶ ಹೊರಡಿಸಿದೆ.

ಜೂ. 16ರಿಂದಲೇ ಅನ್ವಯವಾಗುವಂತೆ ಚೀನದ ಈ ಪ್ರಯಾಣಿಕ ವಿಮಾನಗಳು ಅಮೆರಿಕಕ್ಕೆ ಬರುವಂತಿಲ್ಲ ಹಾಗೂ ಅಮೆರಿಕದಿಂದ ಚೀನಕ್ಕೆ ಸಂಚರಿಸುವಂತೆಯೂ ಇಲ್ಲ ಎಂದು ಸಾರಿಗೆ ಇಲಾಖೆಯ ಆದೇಶದಲ್ಲಿ ತಿಳಿಸಲಾಗಿದೆ. ಪ್ರಸಕ್ತ ವಾರದಿಂದ ಕಾರ್ಯ ಆರಂಭಗೊಳ್ಳಬೇಕಿದ್ದ ಅಮೆರಿಕದ ಯುನೈಟೆಡ್‌ ಏರ್‌ಲೈನ್‌ ಹಾಗೂ ಡೆಲ್ಟಾ ಏರ್‌ಲೈನ್‌ಗಳಿಗೆ ಚೀನ ಸರಕಾರ ತಡೆ ಹಾಕಿರುವುದಕ್ಕೆ ಪ್ರತಿಯಾಗಿ ಈ ನಿರ್ಧಾರ ಕೈಗೊಳ್ಳಲಾಗಿದೆ.

ಎರಡೂ ದೇಶಗಳ ನಡುವೆ ವಿಮಾನಗಳ ಸಂಚಾರಕ್ಕೆ ಅವಕಾಶ ಕಲ್ಪಿಸುವ ಒಪ್ಪಂದದ ನಿಯಮಗಳನ್ನು ಚೀನ ಉಲ್ಲಂ ಸಿದೆ ಎಂದು ಅಮೆರಿಕ ಆರೋಪಿಸಿದೆ. ಜತೆಗೆ ಅಮೆರಿಕದ ಎಷ್ಟು ವಿಮಾನಗಳ ಸಂಚಾರಕ್ಕೆ ಚೀನ ಒಪ್ಪಿಗೆ ನೀಡಿದೆಯೋ ಅಷ್ಟೇ ಚೀನದ ವಿಮಾನಗಳಿಗೆ ನಾವು ಅವಕಾಶ ನೀಡುತ್ತೇವೆ ಎಂದೂ ಸಾರಿಗೆ ಇಲಾಖೆ ಸ್ಪಷ್ಟಪಡಿಸಿದೆ.