ಎತ್ತು ತೊಳೆಯುವ ವೇಳೆ ಆಕಸ್ಮಿಕವಾಗಿ ಕಾಲುಜಾರಿ ನೀರಿನಲ್ಲಿ ಮುಳುಗಿ ಯುವಕ ಸಾವು

ಕುಷ್ಟಗಿ: ಎತ್ತು ತೊಳೆಯಲು ಹೋಗಿದ್ದ ವೇಳೆ ಯುವಕನೋರ್ವ ಆಕಸ್ಮಿಕವಾಗಿ ಕಾಲುಜಾರಿ ನೀರಿನಲ್ಲಿ ಮುಳುಗಿ ಸಾವನ್ನಪ್ಪಿರುವ ಘಟನೆ ತಾಲೂಕಿನ ಹುಲಿಯಾಪೂರ ಕೆರೆಯಲ್ಲಿ ನಡೆದಿದೆ.

ಬಸವರಾಜ್ ನಾಗಪ್ಪ ಮಸ್ಕಿ‌ (25) ಮೃತ ಯುವಕ ದುರ್ದೈವಿ.

ಚಾಲಕನಾಗಿದ್ದ ಈತ ಹುಲಿಯಾಪೂರ ಕೆರೆಯಲ್ಲಿ ಎತ್ತು  ತೊಳೆಯಲು ಹೋದಾಗ ಆಕಸ್ಮಿಕ ‌ಕಾಲು ಜಾರಿ ಮುಳುಗಿದ್ದಾನೆ. ಊರಲ್ಲಿ ‌ಯುಗಾದಿ‌ ಮಾರನೇ ದಿನ ಬಣ್ಣದ ಓಕುಳಿಯಲ್ಲಿ‌ಭಾಗವಹಿಸಿದ್ದ ಯುವಕರು ಮುಳುಗುತ್ತಿದ್ದವನನ್ನು ರಕ್ಷಿಸಿಸಲು ಮುಂದಾಗಿದ್ದರೂ ಫಲಿಸಲಿಲ್ಲ. ಮುಳುಗಿದ್ದ ಯುವಕ ಬಸವರಾಜ್ ನ ಶವ ಹೊರಗೆ ತೆಗೆದಿದ್ದಾರೆ.

ಪ್ರಕರಣ ಕುಷ್ಟಗಿ ಠಾಣೆಯಲ್ಲಿ ದಾಖಲಾಗಿದೆ.