ಹಗಲು ಹೊತ್ತಿನಲ್ಲಿ ಹೆದ್ದಾರಿ ಹಂಪ್ಸ್ ಗೆ ಬಣ್ಣ! ಕಿಲೋ ಮೀಟರ್ ಗಟ್ಟಲೆ ಟ್ರಾಫಿಕ್ ಜಾಮ್

ಸುರತ್ಕಲ್ : ಕೂಳೂರು ಮೇಲ್ಸೇತುವೆ ಮೇಲೆ ಹಗಲು ಹೊತ್ತಿನಲ್ಲಿ ಹಂಪ್ಸ್ ಗೆ ಬಣ್ಣ ಹೊಡೆಯಲು ಗುತ್ತಿಗೆದಾರರು ಮುಂದಾದ ಪರಿಣಾಮ ಹೆದ್ದಾರಿಯಲ್ಲಿ ವಾಹನ ದಟ್ಟಣೆ ಹೆಚ್ಚಾಗಿ ಕಿಲೋಮೀಟರ್ ಉದ್ದದ ವರೆಗೂ ವಾಹನಗಳು ಸಾಲುಗಟ್ಟಿ ನಿಂತಿದ್ದು ವಾಹನ ಸವಾರರು ಪರದಾಡುವಂತಾಯಿತು.

ಈ ಹಿಂದೆ ಸಾಮಾನ್ಯವಾಗಿ ರಾತ್ರಿ ವೇಳೆ ಹೆದ್ದಾರಿ ಇಲಾಖೆ ಈ ಕೆಲಸಗಳನ್ನು ಮಾಡುತ್ತಾ ಬಂದಿತ್ತು.ಆದರೆ ಈ ಬಾರಿ ವಾಹನ ಸಂಚಾರ ಹೆಚ್ಚಿರುವ ಹೆದ್ದಾರಿ 66ರಲ್ಲಿ ಬಣ್ಣ ಬಳಿಯಲು ಹಗಲು ಹೊತ್ತು ಆಯ್ಕೆ ಮಾಡಿಕೊಂಡು ಎಡವಟ್ಟು ಮಾಡಿಕೊಂಡಿದೆ. ಕಚೇರಿ,ಕಂಪನಿ ಬಿಡುವ ಸಂಜೆಯ ವೇಳೆ ಹೆಚ್ಚಿನ ವಾಹನ ಓಡಾಟ ಈ ಹೆದ್ದಾರಿಯಲ್ಲಿದ್ದು ಸುಮಾರು ಎರಡು ಕಿ.ಮೀ ವರಗೆ ವಾಹನ ಸಾಲು ಕಂಡು ಬಂತು.