Trademark ಉಲ್ಲಂಘನೆ: ಪತಂಜಲಿಗೆ 4 ಕೋಟಿ ದಂಡ

ಹೊಸದಿಲ್ಲಿ/ಮುಂಬಯಿ: ಯೋಗ ಗುರು ಬಾಬಾ ರಾಮ್‌ದೇವ್‌ ಅವರಿಗೆ ಒಂದರ ಮೇಲೊಂದರಂತೆ ಸಂಕಷ್ಟ ಎದುರಾಗುತ್ತಲೇ ಇದೆ. ಮಂಗಲಂ ಆಗ್ಯಾìನಿಕ್ಸ್‌ ಸಂಸ್ಥೆ ದಾಖಲಿಸಿದ್ದ ಟ್ರೇಡ್‌ಮಾರ್ಕ್‌ ಉಲ್ಲಂಘನೆ ಪ್ರಕರ ಣಕ್ಕೆ ಸಂಬಂಧಿಸಿದಂತೆ ಕರ್ಪೂರದ ಉತ್ಪನ್ನಗಳನ್ನು ಮಾರಾಟ ಮಾಡದಂತೆ 2023ರಲ್ಲಿ ಮಧ್ಯಂತರ ಆದೇಶ ಹೊರಡಿಸಿದ್ದರೂ, ಅದನ್ನು ಉಲ್ಲಂ ಸಿದ ಹಿನ್ನೆಲೆಯಲ್ಲಿ ಪತಂಜಲಿಗೆ 4 ಕೋಟಿ ರೂ. ದಂಡ ವಿಧಿಸಿ ಸೋಮ ವಾರ ಬಾಂಬೆ ಹೈಕೋರ್ಟ್‌ ಆದೇಶ ಹೊರಡಿಸಿದೆ.

ಮತ್ತೂಂದು ಪ್ರಕರಣದಲ್ಲಿ ಕೋವಿಡ್‌ ಅವಧಿಯಲ್ಲಿ ಲಕ್ಷಾಂತರ ಮಂದಿಯ ಸಾವಿಗೆ ಅಲೋಪತಿ ವೈದ್ಯರೇ ಕಾರಣ ಎಂದು ಆರೋಪಿಸಿ, ಪತಂಜಲಿಯ ಕೊರೊನಿಲ್‌ನಿಂದ ಸೋಂಕು ಉಪಶಮನವಾಗುತ್ತದೆ ಎಂದು ನೀಡಿದ್ದ ಎಲ್ಲ ಹೇಳಿಕೆಗಳನ್ನೂ ವಾಪಸ್‌ ಪಡೆಯುವಂತೆ ರಾಮ್‌ದೇವ್‌ ಹಾಗೂ ಅವರ ಆಪ್ತ ಆಚಾರ್ಯ ಬಾಲಕೃಷ್ಣ ಅವರಿಗೆ ದೆಹಲಿ ಹೈಕೋರ್ಟ್‌ ಸೋಮವಾರ ಆದೇಶಿಸಿದೆ. 3 ದಿನಗಳ ಒಳಗಾಗಿ ಸಾಮಾಜಿಕ ಜಾಲತಾಣ ಗಳಲ್ಲಿರುವ ಈ ಆಕ್ಷೇಪಾರ್ಹ ಹೇಳಿಕೆ ಗಳು, ಕಂಟೆಂಟ್‌ಗಳನ್ನು ತೆಗೆದುಹಾಕ ಬೇಕು ಎಂದು ಸೂಚಿಸಿದೆ.