Maharashtra; ವಕ್ಫ್ ಮಂಡಳಿಗೆ ಕೊಟ್ಟ 10 ಕೋಟಿ ರೂ.ಅನುದಾನ ರದ್ದು

ಮುಂಬಯಿ: ಮಹಾರಾಷ್ಟ್ರದ ವಕ್ಫ್ ಮಂಡಳಿಗೆ ನೀಡಿದ 10 ಕೋಟಿ ರೂ. ಅನುದಾನವನ್ನು ಒಂದೇ ದಿನದಲ್ಲಿ ವಾಪಸ್‌ ಪಡೆದ ಘಟನೆ ಶುಕ್ರವಾರ ನಡೆದಿದೆ. ಈ ಅಂಶವನ್ನು ಮುಖ್ಯ ಕಾರ್ಯದರ್ಶಿಯೇ ಖಚಿತಪಡಿಸಿದ್ದಾರೆ. ರಾಜ್ಯ ವಕ್ಫ್ ಮಂಡಳಿ ಬಲವರ್ಧನೆಗಾಗಿ 10 ಕೋಟಿ ರೂ. ಬಿಡುಗಡೆ ಮಾಡಲು ಮಹಾ ಸರಕಾರ‌ ಆದೇಶಿಸಿತ್ತು. ಈ ಬಗ್ಗೆ ಬಿಜೆಪಿ ಪ್ರಬಲ ಆಕ್ಷೇಪ ವ್ಯಕ್ತಪಡಿಸಿ ಸಂವಿಧಾನದಲ್ಲಿ ವಕ್ಫ್ ಮಂಡಳಿಗೆ ಅವಕಾಶ ಇಲ್ಲವೆಂದು ವಾದಿಸಿತ್ತು. ಈ ಹಿನ್ನೆಲೆಯಲ್ಲಿ ಸರಕಾರ‌ವು ಅನುದಾನದ ಆದೇಶವನ್ನು ವಾಪಸ್‌ ಪಡೆದುಕೊಂಡಿದೆ.