Australia Tour; ವನಿತಾ ‘ಎ’ ತಂಡಕ್ಕೆ ಮಿನ್ನು ಮಣಿ ನಾಯಕಿ

ಮುಂಬಯಿ: ಆಸ್ಟ್ರೇಲಿಯ ಪ್ರವಾಸ ಕೈಗೊಳ್ಳಲಿರುವ ಭಾರತೀಯ ವನಿತಾ “ಎ’ ತಂಡಕ್ಕೆ ಆಫ್ಸ್ಪಿನ್ನರ್‌ ಮಿನ್ನು ಮಣಿ ನಾಯಕಿಯಾಗಿ ಆಯ್ಕೆಯಾಗಿದ್ದಾರೆ. ಶ್ವೇತಾ ಸೆಹ್ರಾವತ್‌ ಉಪನಾಯಕಿಯಾಗಿದ್ದಾರೆ.

ಸಾಜನಾ ಸಜೀವನ್‌, ಉಮಾ ಛೇತ್ರಿ, ಸೈಕಾ ಇಶಾಕ್‌, ವೇಗಿ ಸೈಮಾ ಠಾಕೂರ್‌ ಈ ತಂಡದ ಪ್ರಮುಖರು. ಶಬ್ನಂ ಶಕೀಲ್‌ ಕೂಡ ಆಯ್ಕೆಯಾಗಿದ್ದು, ಫಿಟ್‌ನೆಸ್‌ ಹೊಂದಿದ್ದರಷ್ಟೇ ತಂಡದೊಂದಿಗೆ ತೆರಳಲಿದ್ದಾರೆ.

ಆಸ್ಟ್ರೇಲಿಯ ಪ್ರವಾಸದ ವೇಳೆ ಭಾರತ “ಎ’ ತಂಡ 3 ಟಿ20 (ಬ್ರಿಸ್ಬೇನ್‌, ಆ. 7, 9, 11), 3 ಏಕದಿನ (ಮಕಾಯ್‌, ಆ. 14, 16, 18) ಹಾಗೂ ಒಂದು ಚತುರ್ದಿನ ಪಂದ್ಯವನ್ನಾಡಲಿದೆ (ಗೋಲ್ಡ್‌ ಕೋಸ್ಟ್‌, ಆ. 22-25).

ಭಾರತ ತಂಡ: ಮಿನ್ನು ಮಣಿ (ನಾಯಕಿ), ಶ್ವೇತಾ ಸೆಹ್ರಾವತ್‌, ಪ್ರಿಯಾ ಪುನಿಯಾ, ಶುಭಾ ಸತೀಶ್‌, ತೇಜಲ್‌ ಹಸಬಿ°ಸ್‌, ಕಿರಣ್‌ ನವ್ಗಿರೆ, ಸಾಜನಾ ಸಜೀವನ್‌, ಉಮಾ ಛೇತ್ರಿ, ಶಿಪ್ರಾ ಗಿರಿ, ರಾಘವಿ ಬಿಷ್ಟ್, ಸೈಕಾ ಇಶಾಖ್‌, ಮನ್ನತ್‌ ಕಶ್ಯಪ್‌, ತನುಜಾ ಕನ್ವರ್‌, ಪ್ರಿಯಾ ಮಿಶ್ರಾ, ಮೇಘನಾ ಸಿಂಗ್‌, ಸಯಾಲಿ ಸತ್ಕರೆ, ಶಬ್ನಂ ಶಕೀಲ್‌, ಎಸ್‌. ಯಶಶ್ರೀ.