Sagara: ಸಂಧ್ಯಾ ಎಂ.ಎಸ್.ಗೆ ಯೋಗದಲ್ಲಿ ಟಾಪ್ ರ‍್ಯಾಂಕಿಂಗ್

ಸಾಗರ: ಶಿವಮೊಗ್ಗದ ಅಗ್ರ ಯೋಗಪಟು ಸಂಧ್ಯಾ ಎಂ.ಎಸ್. ಆಲ್ ಇಂಡಿಯಾ ಯೂನಿವರ್ಸಿಟಿ ಯೋಗ ಸ್ಪರ್ಧೆಗೆ ವೈಯಕ್ತಿಕ ವಿಭಾಗದಲ್ಲಿ ಟಾಪ್ ರ‍್ಯಾಂಕಿಂಗ್ ಪಡೆದು ಆಯ್ಕೆಯಾಗಿದ್ದಾರೆ.

ಇತ್ತೀಚಿಗೆ ತಮಿಳುನಾಡಿನ ಚೆನ್ನೈನ ಅಣ್ಣಾ ಯೂನಿವರ್ಸಿಟಿ ನಡೆಸಿದ ಸೌತ್ ಈಸ್ಟ್ ಜೋನ್ ಇಂಟರ್ ಯೂನಿವರ್ಸಿಟಿ ಯೋಗ ಸ್ಪರ್ಧೆಯಲ್ಲಿ ಕುವೆಂಪು ಯೂನಿವರ್ಸಿಟಿಯಿಂದ ಪ್ರತಿನಿಧಿಸಿದ್ದ ಸಂಧ್ಯಾ ಈ ಸಾಧನೆ ಮಾಡಿದ್ದು ಒಟ್ಟು 116 ಯೂನಿವರ್ಸಿಟಿಗಳ 960ಕ್ಕೂ ಅಧಿಕ ಯೋಗಪಟುಗಳು ಈ ಯೋಗ ಸ್ಪರ್ಧೆಯಲ್ಲಿ ಭಾಗವಹಿಸಿದ್ದರು.

ಸಾಗರದ ಇಂದಿರಾ ಗಾಂಧಿ ಮಹಿಳಾ ಸರ್ಕಾರಿ ಪದವಿ ಕಾಲೇಜಿನ ಸಂಧ್ಯಾ ಸಮೀಪದ ಕಾನುಗೋಡಿನ ಗುರುಕುಲಂ ಯೋಗ ಕೇಂದ್ರದಲ್ಲಿ ಯೋಗ ತರಬೇತಿ ಪಡೆಯುತ್ತಿದ್ದಾಳೆ. ಆಲ್ ಇಂಡಿಯನ್ ಯೂನಿವರ್ಸಿಟಿ ಯೋಗ ಸ್ಪರ್ಧೆ ಡಿಸೆಂಬರ್ ಕೊನೆಯ ವಾರ ಒಡಿಸ್ಸಾದಲ್ಲಿ ನಡೆಯಲಿದೆ.