ಟೋಕಿಯೊ ಒಲಿಂಪಿಕ್ಸ್‌ : ಬ್ಯಾಡ್ಮಿಂಟನ್‌ ಅರ್ಹತಾ ಅವಧಿ ವಿಸ್ತರಣೆ

ಟೋಕಿಯೊ: ಟೋಕಿಯೊ ಒಲಿಂಪಿಕ್ಸ್‌ಗಾಗಿ ಬ್ಯಾಡ್ಮಿಂಟನ್‌ ಅರ್ಹತಾ ಕೂಟದ ಅವಧಿಯನ್ನು ಎರಡು ತಿಂಗಳ ಕಾಲ ವಿಸ್ತರಿಸಲಾಗಿದೆ. ಕೋವಿಡ್‌-19 ಕಾರಣದಿಂದ 3 ಪ್ರಮುಖ ಕೂಟಗಳನ್ನು ಮುಂದೂಡಿದ ಕಾರಣ ಅರ್ಹತಾ ಅವಧಿಯನ್ನೂ ವಿಸ್ತರಿಸಲಾಯಿತು ಎಂದು ಬಿಡಬ್ಲ್ಯುಎಫ್ ತಿಳಿಸಿದೆ.

ಮೊದಲು ನಿಗದಿಯಾದಂತೆ ಅರ್ಹತಾ ಸುತ್ತಿನ ಕೂಟಗಳು ಎ. 25ಕ್ಕೆ ಕೊನೆಗೊಳ್ಳಬೇಕಿತ್ತು. ಈಗ ಇದನ್ನು ಜೂನ್‌ಗೆ ವಿಸ್ತರಿಸಲು ನಿರ್ಧರಿಸಲಾಗಿದೆ. ಮಲೇಶ್ಯ ಓಪನ್‌ (ಮೇ 25-30), ಮಲೇಶ್ಯ ಮಾಸ್ಟರ್, ಸಿಂಗಾಪುರ್‌ ಓಪನ್‌ ಬ್ಯಾಡ್ಮಿಂಟನ್‌ (ಜೂ. 1-6) ಕೊನೆಯ ಅರ್ಹತಾ ಪಂದ್ಯಾವಳಿಯಾಗಿವೆ. ಮಲೇಶ್ಯ ಮಾಸ್ಟರ್ ದಿನಾಂಕ ಇನ್ನಷ್ಟೇ ನಿಗದಿಯಾಗಬೇಕಿದೆ.

ಸ್ವಿಸ್‌ ಓಪನ್‌ ಟೂರ್ನಿ ಮಾರ್ಚ್‌ 2ರಿಂದ 7ರ ತನಕ, ಆಲ್‌ ಇಂಗ್ಲೆಂಡ್‌ ಓಪನ್‌ ಮಾ. 17ರಿಂದ 21ರ ತನಕ ನಡೆಯಲಿದೆ.