Advertisement
ಅತಂತ್ರದಲ್ಲಿ ಉಳಿದ ಅಂಗಡಿಗಳು ತೊಕ್ಕೊಟ್ಟಿನಲ್ಲಿ ಸೋಮವಾರ ಕಟ್ಟಡ ತೆರವಿಗೆ ಆಗಮಿಸಿದ್ದ ಅಧಿಕಾರಿಗಳು ಎರಡೂ ಕಟ್ಟಡದ ವಿದ್ಯುತ್‌ ನಿಲುಗಡೆ ಮಾಡಿದ್ದು, ಇದರಿಂದ ಕಟ್ಟಡದ ಒಳಭಾಗದ ಅಂಗಡಿ ವ್ಯಾಪಾರಸ್ಥರಿಗೆ ತೊಂದರೆಯಾಯಿತು. ವಿದ್ಯುತ್‌ ನಿಲುಗಡೆಯಿಂದ ಖಾಸಗಿಯಾಗಿ ತೆರವು ಮಾಡುತ್ತಿದ್ದ ಕಾಮಗಾರಿಗೆ ಸಮಸ್ಯೆಯಾದ್ದರಿಂದ ಕಾರ್ಮಿಕರು ವಿದ್ಯುತ್‌ ಇಲ್ಲದೆ ಕಾಮಗಾರಿಯನ್ನು ಅರ್ಧದಲ್ಲೇ ನಿಲ್ಲಿಸಿ ತೆರಳಿದರು. ಹೆದ್ದಾರಿಗೆ ತಾಗಿರುವ ಎದುರು ಭಾಗದ ಅಂಗಡಿಗಳಿಗೆ ಮೊದಲೇ ಮಾಹಿತಿ ನೀಡಿದ್ದರು. ಆದರೆ ಹಿಂಬದಿಯ ಅಂಗಡಿಗಳಿಗೆ ಮಾಹಿತಿ ನೀಡದೆ ವಿದ್ಯುತ್‌ ಸ್ಥಗಿತಗೊಳಿಸಿದ್ದರಿಂದ ಅಂಗಡಿಗಳ ವ್ಯಾಪಾರಸ್ಥರು ಆಕ್ರೋಶಗೊಂಡರು. ತೊಕ್ಕೊಟ್ಟು ಜಂಕ್ಷನ್‌ನಲ್ಲಿ ಮೇಲ್ಸೇತುವೆ ಕಾಮಗಾರಿಯೂ ಮಂದಗತಿಯಲ್ಲಿ ನಡೆಯುತ್ತಿದ್ದು, ಡಿಸೆಂಬರ್‌ ಒಳಗೆ ಜಂಕ್ಷನ್‌ ಕಾಮಗಾರಿ ನಡೆಸುವ ಹಿನ್ನಲೆಯಲ್ಲಿ ಅಂಗಡಿ ಕಟ್ಟಡಗಳನ್ನು ತೆರವುಗೊಳಿಸಲಾಯಿತು.