515 ಹೊಸ ಬಸ್ಸುಗಳಿಗೆ ತಮಿಳು ನಾಡು ಸಿಎಂ ಪಳನಿಸ್ವಾಮಿ ಹಸಿರು ನಿಶಾನೆ

ಚೆನ್ನೈ : ತಮಿಳು ನಾಡು ಮುಖ್ಯಮಂತ್ರಿ ಕೆ ಪಳನಿಸ್ವಾಮಿ ಅವರಿಂದು ರಾಜ್ಯ ಸಾರಿಗೆ ನಿಗಮದ 515 ಹೊಸ ಬಸ್ಸುಗಳಿಗೆ ಹಸಿರು ನಿಶಾನೆ ತೋರಿಸಿದರು. 

ರಾಜ್ಯದ ವಿವಿಧ ಭಾಗಗಳಿಗೆ ನಿತ್ಯ ಓಡಾಟ ಕೈಗೊಳ್ಳುವ ಈ ಬಸ್ಸುಗಳಲ್ಲಿ ಲಕ್ಷುರಿ ಬಸ್ಸುಗಳು ಕೂಡ ಇದ್ದು ಅವುಗಳಲ್ಲಿ ಕೆಲವು ಶೌಚಾಲಯವನ್ನೂ ಹೊಂದಿವೆ. 

ತಮಿಳುನಾಡು ಸರಕಾರ ಈ ಹೊಸ 515 ಬಸ್ಸುಗಳನ್ನು 134.53 ಕೋಟಿ ರೂ.ಗಳ ವೆಚ್ಚದಲ್ಲಿ ಖರೀದಿಸಲಾಗಿದೆ. ಇವುಗಳನ್ನು ಚೆನ್ನೈ, ಮಧುರೆ, ಕೊಯಮುತ್ತೂರು, ಕುಂಭಕೋಣಂ ಮತ್ತು ತಿರುನೆಲ್ವೇಲಿ  ಮತ್ತು ಇತರ ವಿಭಾಗಗಳಿಗಾಗಿ ಬಳಸಲಾಗುತ್ತದೆ ಎಂದು ಅಧಿಕೃತ ಮೂಲಗಳು ತಿಳಿಸಿವೆ.