ಹೇಮೆಗಾಗಿ ತಿಪಟೂರು ಬಂದ್‌

ತುಮಕೂರು: ಹೇಮಾವತಿ ನದಿ ನೀರಿಗೆ ಆಗ್ರಹಿಸಿ ತುಮಕೂರು ಜಿಲ್ಲೆಯ ಕೆಲವೆಡೆ ಗುರುವಾರವೂ ಪ್ರತಿಭಟನೆಗಳು ನಡೆದವು. ತಿಪಟೂರು ತಾಲೂಕಿನ ಎಲ್ಲಾ ಕೆರೆಗಳಿಗೆ ಹೇಮಾವತಿ ನೀರು ತುಂಬಿಸು ವಂತೆ ಒತ್ತಾಯಿಸಿ ಜೆಡಿಎಸ್‌ ಕರೆ ನೀಡಿದ್ದ ತಿಪಟೂರ್‌ ಬಂದ್‌ ಸಂಪೂರ್ಣವಾಗಿತ್ತು.

 ನ್ಯಾಯಾಲಯ, ಶಾಲಾ-ಕಾಲೇಜು, ಅಂಗಡಿ ಮುಂಗಟ್ಟುಗಳು, ಚಿತ್ರಮಂದಿರಗಳು, ಹೋಟೆಲ್‌ಗ‌ಳು ಬಂದ್‌ ಆಗಿದ್ದವು. ಇದೇ ವೇಳೆ, ಪಾವಗಡ ನೀರಾವರಿ ಯೋಜನೆಗೆ ಒತ್ತಾಯಿಸಿ ಕೈಗೊಂಡಿರುವ ಧರಣಿ 3ನೇ ದಿನಕ್ಕೆ ಕಾಲಿಟ್ಟಿದೆ.