ಟೈಗರ್‌ ಜಿಂದಾ ಹೈ: ನಾಲ್ಕನೇ ದಿನ 150 ಕೋಟಿ ದಾಟಿದ ಗಳಿಕೆ

ಹೊಸದಿಲ್ಲಿ : ಬಾಲಿವುಡ್‌ ಸೂಪರ್‌ ಸ್ಟಾರ್‌ ಸಲ್ಮಾನ್‌ ಖಾನ್‌ ಮತ್ತು ಕತ್ರೀನಾ ಕೈಫ್ ಅಭಿನಯದ “ಟೈಗರ್‌ ಜಿಂದಾ ಹೈ’ ಚಿತ್ರ ತೆರೆ ಕಂಡ ನಾಲ್ಕೇ ದಿನಗಳಲ್ಲಿ ತನ್ನ ಬಾಕ್ಸ್‌ ಆಫೀಸ್‌ ಗಳಿಕೆಯನ್ನು 150 ಕೋಟಿ ರೂ.ಗೆ ಏರಿಸಿಕೊಂಡಿದೆ.

ಮೂರನೇ ದಿನ ಈ ಚಿತ್ರದ ಗಳಿಕೆ 115 ಕೋಟಿ ರೂ.ಗಳಾಗಿದ್ದವು. ನಾಲ್ಕನೇ ದಿನ ಮತ್ತೆ 35 ಕೋಟಿ ರೂ. ಕಲೆ ಹಾಕಿತು. ಎಂದರೆ ಸಲ್ಮಾನ್‌ ಖಾನ್‌ ಅವರ ಈ ಹೊಸ ಚಿತ್ರ ಅವರ ಈ ಹಿಂದಿನ ಸಾರ್ವಕಾಲಿಕ ದಾಖಲೆಯ ಬಜರಂಗಿ ಭಾಯಿ ಜಾನ್‌ ಮತ್ತು ಸುಲ್ತಾನ್‌ ಗಳಿಕೆಯನ್ನು ಸರಿಗಟ್ಟುವ ಲಕ್ಷಣವನ್ನು ಈಗಲೇ ತೋರುತ್ತಿರುವುದು ಗಮನಾರ್ಹವಾಗಿದೆ ಎಂದು ಬಾಲಿವುಡ್‌ ವಾಣಿಜ್ಯ ವಿಶ್ಲೇಷಕರು ಅಭಿಪ್ರಾಯಪಟ್ಟಿದ್ದಾರೆ. 

ಟೈಗರ್‌ ಜಿಂದಾ ಹೈ ಚಿತ್ರ ತೆರೆಕಂಡ ಮೊದಲ ದಿನವಾದ ಶುಕ್ರವಾರದ ಗಳಿಕೆ 34.10 ಕೋಟಿ, ಶನಿವಾರ 35.30 ಕೋಟಿ, ಭಾನುವಾರ 45.53 ಕೋಟಿ , ಸೋಮವಾರ 36.54 ಕೋಟಿ – ಒಟ್ಟು ಮೊತ್ತ 151.47 ಕೋಟಿ ಎಂದು ವಾಣಿಜ್ಯ ವಿಶ್ಲೇಷಕ ತರಣ್‌ ಆದರ್ಶ್‌ ಟ್ವೀಟ್‌ ಮಾಡಿದ್ದಾರೆ.