ಸಿಡಿಲು ಬಡಿದು ಮಹಿಳೆ ಸಾವು

ಕುಷ್ಟಗಿ: ಪಟ್ಟಣದಲ್ಲಿ ಗುರುವಾರ ಸಂಜೆ ಸುರಿದ ಭಾರಿ ಮಳೆ ಮಹಿಳೆಯನ್ನು ಬಲಿ ತೆಗೆದುಕೊಂಡಿದೆ.

ತಾಲೂಕಿನ ತಳವಗೇರಾ ಗ್ರಾಮ ವ್ಯಾಪ್ತಿಯಲ್ಲಿ ಸಿಡಿಲಿಗೆ ಮನೆ ಗೋಡೆ ಕುಸಿದಿದ್ದರಿಂದ ಗ್ರಾಮದ ಈರಮ್ಮ ಹಿರೇಮಠ (36) ಮೃತಪಟ್ಟಿದ್ದಾರೆ. ತಾಲೂಕಿನ ತೆಗ್ಗಿಹಾಳ ಗ್ರಾಮದಲ್ಲಿ ಅಂಬಣ್ಣ ಕತ್ತಿ, ಪರಸಪ್ಪ ಪರಮಣ್ಣನವರ್‌ ಅವರ ಮನೆಯ ಹಂಚು ಹಾರಿಹೋಗಿದೆ. ಮರಿಯಪ್ಪ ವಾಲೀಕರ ಅವರ ಮೇಲೆ ಕಲ್ಲು ಬಿದ್ದು ಕಾಲು, ಬೆನ್ನಿಗೆ ಪೆಟ್ಟಾಗಿದೆ.