ಮೂವರು ಖೇಣಿಗಳು ಜೆಡಿಎಸ್‌ಗೆ

ಬೆಂಗಳೂರು: ಇತ್ತೀಚೆಗೆ ಕಾಂಗ್ರೆಸ್‌ ಸೇರಿದ್ದ ಅಶೋಕ್‌ ಖೇಣಿ ಸಹೋದರ ಸಂಬಂಧಿ ಸಂಜಯ್‌ ಖೇಣಿ ಸೇರಿ ಬೀದರ್‌ ಜಿಲ್ಲೆಯ ಖೇಣಿ ಕುಟುಂಬದ ಮೂವರು ಭಾನುವಾರ ಜೆಡಿಎಸ್‌ ಸೇರಿದ್ದಾರೆ. ಸಂಜಯ್‌ ಖೇಣಿ ಬೀದರ್‌ ದಕ್ಷಿಣನಲ್ಲಿ ಬಿಜೆಪಿ ಟಿಕೆಟ್‌ ಆಕಾಂಕ್ಷಿಯಾಗಿದ್ದರು. ಆದರೆ, ಟಿಕೆಟ್‌ ಸಿಗುವುದು ಅನುಮಾನವಾಗಿರುವುದರಿಂದ ಜೆಡಿಎಸ್‌ ಸೇರಿದ್ದಾರೆ.

ಇವರೊಂದಿಗೆ 1974-80ರ ಅವಧಿಯಲ್ಲಿ ವಿಧಾನ ಪರಿಷತ್‌ ಸದಸ್ಯರಾಗಿದ್ದ ನರೇಂದ್ರ ಖೇಣಿ ಮತ್ತು ಪ್ರಕಾಶ್‌ ಖೇಣಿ ಕೂಡ ಜೆಡಿಎಸ್‌ ಸೇರಿದ್ದಾರೆ. ಸಂಜಯ್‌ ಖೇಣಿ, ನರೇಂದ್ರ ಖೇಣಿ ಮತ್ತು ಪ್ರಕಾಶ್‌ ಖೇಣಿ ಅವರು ಭಾನುವಾರ ಜೆಡಿಎಸ್‌ ವರಿಷ್ಠ ಎಚ್‌.ಡಿ.ದೇವೇಗೌಡರನ್ನು ಅವರ ನಿವಾಸದಲ್ಲಿ ಭೇಟಿಯಾಗಿ ಪಕ್ಷ ಸೇರಿದ್ದಾರೆ.