ಕರಾಟೆಯಲ್ಲಿ ಹುಣಸೂರು ಮಹಿಳಾ ಪದವಿ ಕಾಲೇಜಿಗೆ ಮೂರು ಪದಕ

ಹುಣಸೂರು: ಮೈಸೂರಿನ ಸ್ಪೋರ್ಟ್ಸ್ ಪೆವಿಲಿಯನ್‌ನಲ್ಲಿ ನಡೆದ ಮೈಸೂರು ವಿ.ವಿ.ಯ 2021-22 ನೇ ಸಾಲಿನ ಅಂತರ ಕಾಲೇಜುಗಳ ಮಹಿಳೆಯರ ಕರಾಟೆ ಪಂದ್ಯಾವಳಿಯಲ್ಲಿ ಹುಣಸೂರು ಮಹಿಳಾ ಸರಕಾರಿ ಕಾಲೇಜಿನ  ಮೂವರು ವಿದ್ಯಾರ್ಥಿನಿಯರು ಮೂರು ಪದಕಗಳನ್ನು ಗಿಟ್ಟಿಸಿ ಸಾಧನೆ ಗೈದಿದ್ದಾರೆಂದು ಕಾಲೇಜಿನ ದೈಹಿಕ ಶಿಕ್ಷಣ ನಿರ್ದೇಶಕ ಡಾ.ಕೆ.ಎಸ್.ಭಾಸ್ಕರ್ ತಿಳಿಸಿದ್ದಾರೆ.

ಪಂದ್ಯಾವಳಿಯ 61 ಕೆ.ಜಿ.ವಿಭಾಗದಲ್ಲಿ ಪ್ರಥಮ ಬಿ.ಎ.ವಿದ್ಯಾರ್ಥಿನಿಯರಾದ ಎಂ.ಎಂ. ಸುಮತಿ ಬೆಳ್ಳಿ ಪದಕ ಹಾಗೂ ಬಿ.ಎಂ ಚೈತ್ರ ಕಂಚಿನ ಪದಕವನ್ನು ಪಡೆದುಕೊಂಡರೆ, ಅಮೂಲ್ಯ 68 ಕೆ.ಜಿ.ವಿಭಾಗದಲ್ಲಿ ಕಂಚಿನ ಪದಕಕ್ಕೆ ಭಾಜನರಾದರು.

ಈ ಕ್ರೀಡಾಪಟುಗಳ ಸಾಧನೆಯನ್ನು ಪ್ರಾಚಾರ್ಯ ಜ್ಞಾನಪ್ರಕಾಶ್, ದೈಹಿಕ ಶಿಕ್ಷಣ ನಿರ್ದೇಶಕ ಡಾ.ಕೆ.ಎಸ್.ಬಾಸ್ಕರ್ ಹಾಗೂ ಅಧ್ಯಾಪಕ ವೃಂದ, ಕಾಲೇಜು ಅಭಿವೃದ್ದಿ ಸಮಿತಿ ಸದಸ್ಯರು  ಅಭಿನಂದಿಸಿದ್ದಾರೆ.