ಶಿಲಾಂಗ್‌ನಲ್ಲಿ ಭೀಕರ ರಸ್ತೆ ಅಪಘಾತ : 3 ಸಾವು, 39 ಮಂದಿಗೆ ಗಾಯ

ಶಿಲಾಂಗ್‌ : ಪೂರ್ವ ಜೈಂತಿಯಾ ಬೆಟ್ಟ ಪ್ರದೇಶದಲ್ಲಿನ ಖಹನಾರ್‌ ಗ್ರಾದಲ್ಲಿ ವಾಹನವೊಂದು ಅಡಿಮೇಲಾಗಿ ಉರುಳಿ ಬಿದ್ದು ಸಂಭವಿಸಿದ ಭೀಕರ ಅವಘಡದಲ್ಲಿ ಮೂವರು ಮೃತಪಟ್ಟು ಇತರ 39 ಮಂದಿ ಗಾಯಗೊಂಡಿರುವುದಾಗಿ ಪೊಲೀಸರು ತಿಳಿಸಿದ್ದಾರೆ. 

ವಾಹನದಲ್ಲಿ 42 ಮಂದಿ ಪ್ರಯಾಣಿಸುತ್ತಿದ್ದರು. ಈ ಪ್ರದೇಶದಲ್ಲಿ ನಡೆಯಲಿದ್ದ ಆರೋಗ್ಯ ಶಿಬಿರಕ್ಕೆ ಅದು ತೆರಳುತ್ತಿತ್ತು. ವಾಹನದ ಚಾಲಕನಿಗೆ ಅಛಾನಕ್‌ ಆಗಿ ನಿಯಂತ್ರಣ ತಪ್ಪಿದಾಗ ಅದು ಅಡಿ ಮೇಲಾಗಿ ಉರುಳಿ ಬಿತ್ತು. ಮೂವರು ಸ್ಥಳದಲ್ಲೇ ಮೃತಪಟ್ಟರು. ಇತರ 39 ಮಂದಿ ಗಾಯಗೊಂಡರು; ಈ ಪೈಕಿ 24 ಮಂದಿಯ ಸ್ಥಿತಿ ಗಂಭೀರವಿದೆ ಎಂದು ಪೂರ್ವ ಜೈಂತಿಯಾ ಬೆಟ್ಟ  ಪ್ರದೇಶದ ಎಸ್‌ ಪಿ ಸ್ಪಿಲ್‌ ಥಮಾರ್‌ ತಿಳಿಸಿದ್ದಾರೆ.

ಗಾಯಾಗಳುಗಳನ್ನು ಸಮೀಪದ ಆಸ್ಪತ್ರೆಗೆ ಒಯ್ದು ಅಲ್ಲಿ ಚಿಕಿತ್ಸೆ ಕೊಡಿಸಿ ಬಳಿಕ ಅವರನ್ನು ಜೊವಾಯ್‌ ಮತ್ತು ಶಿಲಾಂಗ್‌ಗೆ ಸ್ಥಳಾಂತರಿಸಲಾಯಿತು ಎಂದು ಥಮಾರ್‌ ತಿಳಿಸಿದ್ದಾರೆ.