ಅಂಬಾಲಾ ಸಮೀಪ ಕಾರು, ಸೈಕಲ್‌, ಟ್ರಕ್‌ ಢಿಕ್ಕಿ : ಮೂವರ ಸಾವು

ಅಂಬಾಲಾ : ಇಲ್ಲಿಂದ ಸುಮಾರು 20 ಕಿ.ಮೀ. ದೂರದ ಧೀನ್‌ ಗ್ರಾಮದ ಅಂಬಾಲಾ – ಜಗಧ್ರಿ ರಸ್ತೆಯಲ್ಲಿ ಕಾರು, ಸೈಕಲ್‌ ಮತ್ತು ಟ್ರಕ್‌ ಪರಸ್ಪರ ಢಿಕ್ಕಿಯಾದ ಅವಘಡದಲ್ಲಿ ಒಂದೇ ಕುಟುಂಬದ ಇಬ್ಬರು ಸೇರಿದಂತೆ ಮೂವರು ಮೃತಪಟ್ಟರೆಂದು ಪೊಲೀಸರು ತಿಳಿಸಿದ್ದಾರೆ.

ಇಬ್ಬರು ಮೃತಪಟ್ಟ ಒಂದೇ ಕುಟುಂಬದ ಮೂರನೇ ವ್ಯಕ್ತಿ ಗಂಭೀರವಾಗಿ ಗಾಯಗೊಂಡಿದ್ದಾರೆ. ಮೃತರನ್ನು ಹರ್ಜಿತ್‌ ಸಿಂಗ್‌ 49, ಅವರ ಪುತ್ರ ಪ್ರಭಜೋತ್‌ ಸಿಂಗ್‌ 16 ಮತ್ತು ಸೈಕಲ್‌ ಸವಾರ ವಿಜೇಂದರ್‌ ಸಿಂಗ್‌ ಎಂದು ಗುರುತಿಸಲಾಗಿದೆ. 

ಹರ್ಜಿತ್‌ ಸಿಂಗ್‌ ಅವರು ಕಾರಿನಲ್ಲಿ ತಮ್ಮ ಇಬ್ಬರು ಪುತ್ರರೊಂದಿಗೆ ಮನೆಗೆ ಮರಳುತ್ತಿದ್ದಾಗ ಅವರ ಕಾರಿನ ಚಕ್ರ ಸ್ಫೋಟಗೊಂಡಿತು. ಪರಿಣಾಮವಾಗಿ ಅದು ಟ್ರಕ್ಕಿಗೆ ಢಿಕ್ಕಿ ಹೊಡೆಯಿತು ಎಂದು ಘಟನೆಯ ಕೇಸು ದಾಖಲಿಸಿಕೊಂಡು ತನಿಖೆ ನಡೆಸುತ್ತಿರುವ ಪೊಲೀಸರು ತಿಳಿಸಿದ್ದಾರೆ.