ದಕ್ಷಿಣ ಭಾರತ ಫಿಲ್ಮ್ ಚೇಂಬರ್‌ಗೆ ಥಾಮಸ್‌ ಅವಿರೋಧ ಆಯ್ಕೆ

ದಕ್ಷಿಣ ಭಾರತ ಚಲನಚಿತ್ರ ವಾಣಿಜ್ಯ ಮಂಡಳಿಗೆ ನಡೆದ ಚುನಾವಣೆಯಲ್ಲಿ ಕರ್ನಾಟಕದ ಥಾಮಸ್‌ ಡಿಸೋಜ ಅವರು ಉಪಾಧ್ಯಕ್ಷರಾಗಿ ಅವಿರೋಧ ಆಯ್ಕೆಯಾಗಿದ್ದಾರೆ. ಇತ್ತೀಚೆಗೆ ಚೆನ್ನೈನಲ್ಲಿ ನಡೆದ ಎಸ್‌ಐಎಫ್ಸಿಸಿ ಚುನಾವಣೆಗೆ ಕರ್ನಾಟಕದ ಪರ ಥಾಮಸ್‌ ಡಿಸೋಜ ಅವರು ಪ್ರದರ್ಶಕರ ವಲಯದಿಂದ ಅವಿರೋಧ ಆಯ್ಕೆಯಾಗಿದ್ದಾರೆ.

ಉಳಿದಂತೆ ಕಾರ್ಯಕಾರಿ ಸಮಿತಿಗೆ ನಿರ್ಮಾಪಕ ವಲಯದಿಂದ ಎಸ್‌.ರಾಜಲಕ್ಷ್ಮೀ, ಬಿ.ಎನ್‌.ಗಂಗಾಧರ್‌, ಎನ್‌.ಎಂ.ಸುರೇಶ್‌ ಅವರು ಆಯ್ಕೆಯಾದರೆ, ಪ್ರದರ್ಶಕ ವಲಯದಿಂದ ಎಂ.ನರಸಿಂಹಲು ಮತ್ತು ವಿತರಕ ವಲಯದಿಂದ ಪಿ.ನಾರಾಯಣ ರೆಡ್ಡಿ ಅವರು ಆಯ್ಕೆಯಾಗಿದ್ದಾರೆ.

ಆಯ್ಕೆಯಾಗಿರುವ ಪದಾಧಿಕಾರಿಗಳಿಗೆ ಕನ್ನಡ ಚಿತ್ರರಂಗದ ಪರವಾಗಿ ಕರ್ನಾಟಕ ಚಲನಚಿತ್ರ ವಾಣಿಜ್ಯ ಮಂಡಳಿ ಅಧ್ಯಕ್ಷ ಚಿನ್ನೇಗೌಡ, ಉಪಾಧ್ಯಕ್ಷರಾದ ಕರಿಸುಬ್ಬು, ಕೆ.ಮಂಜು, ಕೆ.ಸಿ.ಅಶೋಕ್‌, ಗೌರವ ಕಾರ್ಯದರ್ಶಿಗಳಾದ ಭಾ.ಮಾ. ಹರೀಶ್‌, ಎಚ್‌.ಸಿ.ಶ್ರೀನಿವಾಸ (ಶಿಲ್ಪ) ಮತ್ತು ಆರ್‌.ಸುಂದರ್‌ರಾಜು, ಖಜಾಂಚಿ ಕೆ.ಎಂ.ವೀರೇಶ್‌ ಅಭಿನಂದಿಸಿದ್ದಾರೆ.