Advertisement

ಥಾಮಸ್‌ ಕಪ್‌ ಬ್ಯಾಡ್ಮಿಂಟನ್‌: ಭಾರತ ಶುಭಾರಂಭ

11:00 PM May 08, 2022 | Team Udayavani |

ಬ್ಯಾಂಕಾಕ್‌: ಥಾಮಸ್‌ ಕಪ್‌ ಬ್ಯಾಡ್ಮಿಂಟನ್‌ ಕೂಟದಲ್ಲಿ ಭಾರತೀಯ ಪುರುಷರ ತಂಡವು ಜರ್ಮನಿ ತಂಡ ವನ್ನು 5-0 ಅಂತರದಿಂದ ಸೋಲಿಸಿ ಶುಭಾರಂಭ ಮಾಡಿದೆ.

Advertisement

ವಿಶ್ವ ಚಾಂಪಿಯನ್‌ಶಿಪ್‌ ಕಂಚು ವಿಜೇತ ಲಕ್ಷ್ಯ ಸೇನ್‌ ಅವರು ಮ್ಯಾಕ್ಸ್‌ ವೈಸ್‌ಕಿರ್ಚೆನ್‌ ವಿರುದ್ಧ 21-16, 21-13 ಗೇಮ್‌ಗಳ ಸುಲಭ ಜಯ ಗಳಿಸಿದರು. ಡಬಲ್ಸ್‌ನಲ್ಲಿ ಸಾತ್ವಿಕ್‌ಸಾಯಿರಾಜ್‌ ರಾಂಕಿರೆಡ್ಡಿ ಮತ್ತು ಚಿರಾಗ್‌ ಶೆಟ್ಟಿ ಅವರು ಮೂರು ಗೇಮ್‌ಗಳ ಕಠಿನ ಹೋರಾಟದಲ್ಲಿ ಜರ್ಮನಿಯ ಜೋನ್ಸ್‌ ರಾಲ್ಫಿ ಜಾನ್ಸೆನ್‌ ಮತ್ತು ಮಾರ್ವಿನ್‌ ಸೈಡೆಲ್‌ ಅವರನ್ನು 21-15, 10-21, 21-13 ಗೇಮ್‌ಗಳಿಂದ ಉರುಳಿಸಿದರು.

ವಿಶ್ವದ 11ನೇ ರ್‍ಯಾಂಕಿನ ಕಿದಂಬಿ ಶ್ರೀಕಾಂತ್‌ ಕೈ ಚಾಫ‌ರ್‌ ಅವರನ್ನು 18-21, 21-9, 21-11 ಗೇಮ್‌ಗಳಿಂದ ಕೆಡಹಿ ಭಾರತಕ್ಕೆ 3-0 ಮುನ್ನಡೆ ಒದಗಿಸಿದರು. ಇನ್ನುಳಿದ ಪಂದ್ಯಗಳಲ್ಲಿ ಎಚ್‌. ಎಸ್‌. ಪ್ರಣಯ್‌ ಹಾಗೂ ಡಬಲ್ಸ್‌ನಲ್ಲಿ ಅರ್ಜುನ್‌ ಮತ್ತು ದ್ರುವ್‌ ಕಪಿಲಾ ಅವರು ಜಯ ಸಾಧಿಸುವ ಮೂಲಕ ಭಾರತ 5-0 ಅಂತರಿಂದ ಜಯ ಸಾಧಿಸುವಂತಾಯಿತು.

ಚೊಚ್ಚಲ ಬಾರಿ ಪದಕ ಗೆಲ್ಲುವ ಗುರಿ ಇಟ್ಟುಕೊಂಡಿರುವ ಭಾರತಕ್ಕೆ ಇದು ಪರಿಪೂರ್ಣ ಆರಂಭವಾಗಿದೆ. ಭಾರತ ಇಷ್ಟರವರೆಗೆ ಥಾಮಸ್‌ ಕಪ್‌ ಕೂಟದ ಸೆಮಿಫೈನಲ್‌ ತನಕವೂ ತಲುಪಿಲ್ಲ.

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Advertisement

Udayavani is now on Telegram. Click here to join our channel and stay updated with the latest news.

Next