ಚೆನ್ನೈ: ದಳಪತಿ ವಿಜಯ್ (Thalapathy Vijay) ಅವರ ʼದಿ ಗೋಟ್‌ʼ (The GOAT) ಸಿನಿಮಾ ಇಂದು (ಸೆ.5ರಂದು) ವರ್ಲ್ಡ್‌ ವೈಡ್‌ ಗ್ರ್ಯಾಂಡ್‌ ಆಗಿ ರಿಲೀಸ್ ಆಗಿದೆ.
ʼಗೋಟ್‌ʼ ನೋಡಲು ವಿಜಯ್ ಅಭಿಮಾನಿಗಳು ಮುಂಜಾನೆಯಿಂದಲೇ ಸರತಿ ಸಾಲಿನಲ್ಲಿ ನಿಂತು ಟಿಕೆಟ್‌ ಖರೀದಿಸಿ ಸಿನಿಮಾ ನೋಡಿದ್ದಾರೆ. ಪಟಾಕಿ ಸಿಡಿಸಿ, ಶಿಳ್ಳೆ ಚಪ್ಪಾಳೆ ಹಾಕಿ ದಳಪತಿಗೆ ಅಭಿಮಾನಿಗಳು ಜೈಕಾರ ಹಾಕಿದ್ದಾರೆ.
ವಿಜಯ್ ಅವರ ಅಭಿಮಾನಿಯಾಗಿರುವ ವೈರಲ್ ಸ್ಟಾರ್‌, ನಟ ಕೂಲ್‌ ಸುರೇಶ್‌ ಅವರು ನಿಜವಾದ ಗೋಟ್‌ ಅಂದರೆ ಆಡನ್ನೇ ಥಿಯೇಟರ್ ಗೆ ತಂದಿರುವುದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ವಿಜಯ್ ಅಭಿಮಾನಿಗಳ ಜತೆ ಕೂಲ್‌ ಸುರೇಶ್‌ ಆಡನ್ನು ಥಿಯೇಟರ್‌ಗೆ ತಂದಿದ್ದಾರೆ. ಅವರ ಸಂಭ್ರಮದ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ನನಗೆ ಕೂಲ್‌ ಸುರೇಶ್‌ ಎಂದು ಹೆಸರು ಬರಲು ಕಾರಣನೇ ವಿಜಯ್ ಸರ್‌ ಅವರ ಸಿನಿಮಾವನ್ನು ಸಂಭ್ರಮಿಸಲು ನಾನು ಆಡನ್ನು ತಂದಿದ್ದೇನೆ. ಈ ಸಿನಿಮಾ ಸೂಪರ್‌ ಹಿಟ್‌ ಆಗುತ್ತದೆ ಎಂದು ಸುರೇಶ್‌ ಮಾಧ್ಯಮಗಳ ಮುಂದೆ ಹೇಳಿದ್ದಾರೆ.
ʼಗೋಟ್‌ʼ ಸಿನಿಮಾಕ್ಕೆ ಓಪನಿಂಗ್‌ ಡೇ ಪಾಸಿಟಿವ್‌ ರೆಸ್ಪಾನ್ಸ್‌ ಕೇಳಿ ಬಂದಿದ್ದು, ದಳಪತಿ ವಿಜಯ್ ಚಿತ್ರದಲ್ಲಿ ತಂದೆ ಮತ್ತು ಅವರ ಮಗನಾಗಿ ದ್ವಿಪಾತ್ರಗಳಲ್ಲಿ ನಟಿಸಿದ್ದಾರೆ. ಈ ಚಿತ್ರವು 2004ರ ಮಾಸ್ಕೋ ಮೆಟ್ರೋ ಬಾಂಬ್ ದಾಳಿಯನ್ನು ಆಧರಿಸಿದೆ ಎನ್ನಲಾಗಿದೆ. ವಿಜಯ್ ಅವರು ವಿಶೇಷ ಭಯೋತ್ಪಾದನಾ ನಿಗ್ರಹ ದಳದ (SATS) ಏಜೆಂಟ್ ಗಾಂಧಿ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ.
ಸಿನಿಮಾದಲ್ಲಿ ವಿಜಯ್ ಜತೆ ಪ್ರಶಾಂತ್, ಪ್ರಭುದೇವ, ಅಜ್ಮಲ್ ಅಮೀರ್, ಮೋಹನ್, ಜಯರಾಮ್, ಸ್ನೇಹಾ, ಲೈಲಾ, ಮೀನಾಕ್ಷಿ ಚೌಧರಿ, ವೈಭವ್, ಯೋಗಿ ಬಾಬು, ಪ್ರೇಮ್ಗಿ ಅಮರೇನ್ ಮತ್ತು ಯುಗೇಂದ್ರನ್ ಮುಂತಾದವರು ಕಾಣಿಸಿಕೊಂಡಿದ್ದಾರೆ.
