ಹಳಿ ತಪ್ಪಿದ ತಪ್ತಿ-ಗಂಗಾ ಎಕ್ಸ್‌ ಪ್ರಸ್‌ ರೈಲು ಬೋಗಿಗಳು : ನಾಲ್ವರಿಗೆ ಗಾಯ

ಪಟ್ನಾ: ಬಿಹಾರದ ಛಪ್ರಾ ಎಂಬಲ್ಲಿ ತಪ್ತಿ – ಗಂಗಾ ಎಕ್ಸ್‌ಪ್ರಸ್‌ ರೈಲಿನ 13 ಬೋಗಿಗಳು ಹಳಿತಪ್ಪಿವೆ. ಈ ದುರ್ಘ‌ಟನೆಯಲ್ಲಿ ನಾಲ್ವರು ಪ್ರಯಾಣಿಕರು ಗಾಯಗೊಂಡಿರುವುದಾಗಿ ವರದಿಯಾಗಿದೆ. ಇಂದು ಬೆಳಿಗ್ಗೆ 9.45ರ ಸುಮಾರಿಗೆ ಈ ಘಟನೆ ಸಂಭವಿಸಿದೆ. ಅವಘಡದಲ್ಲಿ ಜೀವಹಾನಿಯಾಗಿರುವ ಕುರಿತಾಗಿ ಇದುವರೆಗೂ ವರದಿಯಾಗಿಲ್ಲ. ರೈಲು ಹಳಿ ತಪ್ಪಲು ಕಾರಣಗಳೇನು ಎನ್ನುವ ಕುರಿತಾಗಿ ಇನ್ನಷ್ಟೇ ತಿಳಿದುಬರಬೇಕಾಗಿದೆ.

Four injured after more than 10 coaches of Tapti-Ganga express train derail near Gautam Asthan,Chhapra in Bihar pic.twitter.com/UuTDn8vD32

ಕಳೆದ ತಿಂಗಳಷ್ಟೇ ಜೋಗ್‌ ಬಾನಿ – ಆನಂದ್‌ ವಿಹಾರ್‌ ಟರ್ಮಿನಲ್‌ ಸೀಮಾಂಚಲ್‌ ಎಕ್ಸ್‌ಪ್ರಸ್‌ ಬಿಹಾರದ ಶಹದಾಯ್‌ ಬುಝುರ್ಗ್‌ನಲ್ಲಿ ಹಳಿತಪ್ಪಿದ ಪರಿಣಾಮ ಕನಿಷ್ಠ ಆರು ಜನರು ಮೃತಪಟ್ಟಿದ್ದರು ಮಾತ್ರವಲ್ಲದೇ ಹಲವಾರು ಪ್ರಯಾಣಿಕರು ಗಾಯಗೊಂಡಿದ್ದರು.