ನಮ್ಮ ಮೆಟ್ರೋ ಆರು ಬೋಗಿಗಳ ಮೂರನೇ ರೈಲಿಗೆ ಸಿಎಂ ಹಸಿರು ನಿಶಾನೆ 

ಬೆಂಗಳೂರು: ಮುಖ್ಯಮಂತ್ರಿ ಹೆಚ್.ಡಿ.ಕುಮಾರಸ್ವಾಮಿ ಅವರು ಗುರುವಾರ ಮೆಟ್ರೋದ ಆರು ಬೋಗಿಗಳ ಮೂರನೇ ರೈಲಿಗೆ ಹಸಿರು ನಿಶಾನೆ ತೋರಿದರು.

ವಿಧಾನಸೌಧದ ಡಾ ಅಂಬೇಡ್ಕರ್ ಮೆಟ್ರೋ ನಿಲ್ದಾಣದಲ್ಲಿ ನಡೆದ ಸಮಾರಂಭದಲ್ಲಿ ಉಪ ಮುಖ್ಯಮಂತ್ರಿ ಡಾ ಜಿ.ಪರಮೇಶ್ವರ್ ಹಾಗೂ ಬಿಬಿಎಂಪಿ ಮೇಯರ್ ಗಂಗಾಬಿಕೆ ಉಪಸ್ಥಿತರಿದ್ದರು.

ಮೆಟ್ರೋ ಪ್ರಯಾಣಿಕರ ಸಂಖ್ಯೆಯಲ್ಲಿ ಹೆಚ್ಚಳವಾದ ಹಿನ್ನಲೆಯಲ್ಲಿ ಆರು ಬೋಗಿಗಳ ರೈಲನ್ನು ಸೇರ್ಪಡೆಗೊಳಿಸಲಾಗಿದೆ.