Telangana: ಮದ್ಯದಂಗಡಿಗೆ ನುಗ್ಗಿ ದೋಚಿದ: ಅಲ್ಲೇ ಕುಡಿದು ಆಸ್ಪತ್ರೆ ಸೇರಿದ!

ಹೈದರಾಬಾದ್‌: ಹೊಸ ವರ್ಷ ಹಿನ್ನೆಲೆಯಲ್ಲಿ ಮದ್ಯದಂಗಡಿಯಲ್ಲಿ ವ್ಯಾಪಾರ ಬಲು ಜೋರಾಗಿಯೇ ಇರುತ್ತದೆ ಎಂದು ಲೆಕ್ಕ ಹಾಕಿದ್ದ ಕಳ್ಳನೊಬ್ಬ ತುಂಬಾ ಲೆಕ್ಕಾಚಾರದಲ್ಲಿ ಒಳನುಗ್ಗಿ ಹಣ ದೋಚಿದನಾದರೂ ಅವನ ಮದ್ಯದ ದುರಾಸೆಗೆ ಇಡೀ ಲೆಕ್ಕಾಚಾರವೇ ಉಲ್ಟಾ ಆದಂತೆ ಆಗಿದೆ.

ಆಂಧ್ರಪ್ರದೇಶದ ಮೇದಕ್‌ನ ಮದ್ಯದಂಗಡಿಗೆ ಕಳ್ಳ ಮಧ್ಯರಾತ್ರಿ ನುಗ್ಗಿದ್ದಾನೆ. ಚಾವಣಿ ಹೆಂಚನ್ನು ಸರಿಸಿ ಒಳಗೆ ಬಂದವನು ಸಿಸಿ ಕ್ಯಾಮೆರಾ ಆಫ್ ಮಾಡಿ ಕ್ಯಾಶ್‌ ಕೌಂಟರ್‌ನಲ್ಲಿನ ಹಣ, ಮದ್ಯದ ಬಾಟಲಿಯನ್ನೂ ದೋಚಿದ್ದಾನೆ.

ಕೊನೆಗೆ ಮದ್ಯದ ಮೇಲೆ ಆಸೆಯಾಗಿ ಒಂದೊಂದೇ ಬಾಟಲ್‌ ಏರಿಸುತ್ತಾ ಪ್ರಜ್ಞೆ ತಪ್ಪಿದ್ದಾನೆ. ಮರುದಿನ ಬೆಳಗ್ಗೆ ಸಿಬ್ಬಂದಿ ಬಂದ ಮೇಲೆ ವಿಷಯ ಗೊತ್ತಾಗಿದೆ. ಸದ್ಯ ಆತನನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ.