Advertisement
“ತಿದ್ದುಪಡಿ ಬೇಡ, ಕಾಯ್ದೆ ಸಂಪೂರ್ಣ ರದ್ದು ಮಾಡಿ’ ಎಂದು ಹಠಕ್ಕೆ ಬಿದ್ದು, 15ನೇ ದಿನವೂ “ದಿಲ್ಲಿ ಚಲೋ’ ಕಾವು ಹಬ್ಬಿಸಿರುವ ರೈತ ಸಂಘಟನೆಗಳಿಗೆ ಕೇಂದ್ರ ಸರಕಾರ ಹೀಗೆ ಸ್ಪಷ್ಟನೆ ನೀಡಿದೆ. ಕೃಷಿ ಸಚಿವ ನರೇಂದ್ರ ಸಿಂಗ್‌ ತೋಮರ್, ಆಹಾರ- ನಾಗರಿಕ ಪೂರೈಕೆ ಮತ್ತು ಗ್ರಾಹಕ ವ್ಯವಹಾರಗಳ ಸಚಿವ ಪಿಯೂಷ್‌ ಗೋಯಲ್‌ ಜಂಟಿಯಾಗಿ ಗುರುವಾರ ರೈತರ ಮನವೊಲಿಸಲು ಮುಂದಾಗಿದ್ದರು.
Related Articles
ಪ್ರಧಾನಿ ಗೊಂದಲ ಭಾರತದಲ್ಲಿ ನಡೆಯುತ್ತಿರುವ ರೈತ ಪ್ರತಿಭಟನೆ, ಭಾರತ- ಪಾಕ್‌ ವಿವಾದವೆಂದು ಬ್ರಿಟಿಷ್‌ ಪ್ರಧಾನಿ ಬೊರಿಸ್‌ ಜಾನ್ಸನ್‌ ತಪ್ಪಾಗಿ ಅರ್ಥೈಸಿದ್ದಾರೆ. “ದಿಲ್ಲಿ ಚಲೋ’ ಬಗ್ಗೆ ಇಂಗ್ಲೆಂಡಿನ ನಿಲುವೇನು ಎಂಬ ಸಿಕ್ಖ್ ಸಂಸದನ ಪ್ರಶ್ನೆಗೆ, “ಭಾರತ- ಪಾಕ್‌ ಮಧ್ಯೆ ನಡೆಯುತ್ತಿರುವ ಬೆಳವಣಿಗೆಗೆ ನಾವೂ ಕಳವಳ ಹೊಂದಿದ್ದೇವೆ. ಈ ವಿವಾದವನ್ನು ಅವೆರಡೂ ರಾಷ್ಟ್ರಗಳೇ ಬಗೆಹರಿ ಸಿಕೊಳ್ಳುತ್ತವೆ’ ಎಂದು ಗೊಂದ ಲದ ಹೇಳಿಕೆ ನೀಡಿದ್ದಾರೆ.
Advertisement
ಚಲೋ ಕ್ವಿಕ್‌ ಲುಕ್‌“ದಿಲ್ಲಿ ಚಲೋ ಹಿಂದೆ ಪಾಕ್‌- ಚೀನ ಕೈವಾಡವಿದೆ’ ಎಂದಿರುವ ಕೇಂದ್ರ ಸಚಿವ ರಾವೋಸಾಹೇಬ್‌ ದಾನ್ವೆ ಅವರನ್ನು ಸಂಪುಟದಿಂದ ವಜಾಗೊಳಿಸಲು ಶಿವಸೇನೆಯ ಸಂಜಯ್‌ ರಾವತ್‌ ಒತ್ತಾಯಿಸಿದ್ದಾರೆ.
ದಿಲ್ಲಿ- ನೋಯ್ಡಾ ಸಂಪರ್ಕಿಸುವ ಪ್ರಮುಖ ರಸ್ತೆ ಗುರುವಾರ ಭಾಗಶಃ ಸಂಚಾರಕ್ಕೆ ಮುಕ್ತವಾಗಿತ್ತು.
ಸಿಂಘು ಗಡಿಯಲ್ಲಿ ಕ್ರೀಡಾಪಟುಗಳ ಗುಂಪೊಂದು, ಪ್ರತಿಭಟನನಿರತ ರೈತರ ಬಟ್ಟೆಗಳನ್ನು ಶುಚಿಗೊಳಿಸಿ, ಲಾಂಡ್ರಿ ಸೇವೆ ಕಲ್ಪಿಸಿತು.
ಬೇಡಿಕೆ ಈಡೇರದಿದ್ದರೆ ರಾಜಧಾನಿ ರೈಲ್ವೇ ಮಾರ್ಗಗಳನ್ನೂ ಬಂದ್‌ ಮಾಡುವುದಾಗಿ ರೈತ ಮುಖಂಡ ಬೂಟಾ ಸಿಂಗ್‌ ಎಚ್ಚರಿಸಿದ್ದಾರೆ.
ಸಿಂಘು ಗಡಿಯಲ್ಲಿ ಪ್ರತಿಭಟನಕಾರರಿಗೆ ಕೊರೊನಾ ಟೆಸ್ಟ್‌ ಆಯೋಜಿಸಿದ ದಿಲ್ಲಿ ಪೊಲೀಸ್‌. ಉಚಿತ ಮಾಸ್ಕ್ ಪೂರೈಕೆ.
ಕಾಯ್ದೆ ಕುರಿತು ಸುಳ್ಳು, ದಾರಿ ತಪ್ಪಿಸುವ ವದಂತಿಗಳಿಗೆ ಬಲಿ ಆಗಬಾರದೆಂದು ಸಚಿವ ಪ್ರಕಾಶ್‌ ಜಾಬ್ಡೇಕರ್‌ ಆಗ್ರ ಹಿ ಸಿದ್ದಾರೆ.
ಕೌಶಂಬಿ- ದಿಲ್ಲಿ ಮಾರ್ಗವನ್ನು ರೈತ ಪ್ರತಿಭಟನಕಾರರು ತಡೆದ ಪರಿಣಾಮ ಹಲವು ತಾಸು ಟ್ರಾಫಿಕ್‌ ಜಾಮ್‌ ಸೃಷ್ಟಿಯಾಗಿತ್ತು.