ಚಿನ್ನದ ಮೂಗುತಿಗಳ ಕಳವು

ಉಡುಪಿ: ಜುವೆಲರಿ ಅಂಗಡಿಯಲ್ಲಿ ಲಕ್ಷಾಂತರ ರೂ. ಮೌಲ್ಯದ ಚಿನ್ನದ ಮೂಗುತಿಗಳು ಕಳವಾದ ಘಟನೆ ನಡೆದಿದೆ.

ಉಡುಪಿಯ ಕನಕದಾಸ ರಸ್ತೆಯಲ್ಲಿರುವ ಹರ್ಷಿತಾ ಜುವೆಲರಿ ಶಾಪ್‌ನಲ್ಲಿ ಎ. 27ರಂದು ಅಂದಾಜು 40 ವರ್ಷ ಪ್ರಾಯದ ಇಬ್ಬರು ಅಪರಿಚಿತ ಪುರುಷರು ಅಂಗಡಿಗೆ ಬಂದು ಮೂಗುತಿ ಬಗ್ಗೆ ಕೇಳಿದ್ದರು. ಈ ವೇಳೆ ಅಂಗಡಿ ಮಾಲಕರು ಚಿನ್ನದ ಮೂಗುತಿ ಇರುವ ಪ್ಯಾಕೆಟ್‌ಗಳನ್ನು ತೋರಿಸಿದ್ದರು. ಆರೋಪಿಗಳು ಸ್ವಲ್ಪ ಹೊತ್ತು ಮಾತನಾಡುತ್ತಾ ಮೂಗುತಿಗಳನ್ನು ನೋಡಿ ಅದರಲ್ಲಿದ್ದ 1 ಮೂಗುತಿ ಪ್ಯಾಕೆಟ್‌ ಅನ್ನು ಕಳವು ಮಾಡಿಕೊಂಡು ಹೋಗಿದ್ದಾರೆ. ಅದರಲ್ಲಿ ಅಂದಾಜು 20 ಗ್ರಾಂ ಚಿನ್ನದ ಮೂಗುತಿಗಳಿದ್ದು, ಕಳವಾದ ಸೊತ್ತಿನ ಅಂದಾಜು ಮೌಲ್ಯ 1,20,000 ರೂ. ಆಗಿದೆ. ಉಡುಪಿ ನಗರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.