Theft: ಅಮೀನಗಡದ ದೇವಸ್ಥಾನದಲ್ಲಿ ಕಳ್ಳತನ

ಅಮೀನಗಡ: ಪಟ್ಟಣದ ಕೊರವರ ಓಣಿಯ ಗದ್ದೆಮ್ಮ ದೇವಿ ದೇವಸ್ಥಾನದಲ್ಲಿ ಬೆಳ್ಳಿ- ಬಂಗಾರದ ವಸ್ತುಗಳನ್ನು ಕಳುವು ಮಾಡಿಕೊಂಡು ಹೋದ ಘಟನೆ ನಡೆದಿದೆ.

ಪಟ್ಟಣದ ಚಿತ್ತರಗಿ ಕ್ರಾಸ್ ಬಳಿ ರಾಜ್ಯ ಹೆದ್ದಾರಿ ಪಕ್ಕದಲ್ಲಿರುವ ಗದ್ದೆಮ್ಮ ದೇವಿ ದೇವಸ್ಥಾನದ ಕೀಲಿಗಳನ್ನು ಕಳ್ಳರು ಮುರಿದು ದೇವಸ್ಥಾನ ಒಳನುಗ್ಗಿ, ಗದ್ದೇಮ್ಮ ದೇವಿಗೆ ಹಾಕಿದ್ದ 1 ತೊಲೆಯ ಬಂಗಾರದ ಮೂಗುತಿ, 1 ತೊಲೆ ಬೆಳ್ಳಿಯ ಕೊರೆಮಿಸೆ, 2 ತೊಲೆಯ ಬಂಗಾರದ ಬೋರಮಳ, ಒಂದೂವರೇ ತೊಲೆಯ ಬಂಗಾರದ 2 ತಾಳಿ, 10 ತೊಲೆಯ  ಬೆಳ್ಳಿಯ ಎರಡು ಖಡಗ ಹಾಗೂ ಎರಡು ರೇಷ್ಮೆ ಸೀರೆ ಕಳ್ಳತನ ಮಾಡಿಕೊಂಡು ಹೋಗಿದ್ದಾರೆ ಎಂದು ದೇವಸ್ಥಾನದ ಪೂಜಾರಿ ಸುಂಕಪ್ಪ ಕೊರವರ ತಿಳಿಸಿದ್ದಾರೆ.

ಸ್ಥಳಕ್ಕೆ ಸ್ಥಳೀಯ ಪೋಲಿಸ್ ಅಧಿಕಾರಿಗಳು ಭೇಟಿ ನೀಡಿ, ಶ್ವಾನದಳ ಮತ್ತು ಬೆರಳಚ್ಚು ತಜ್ಞರಿಂದ  ಪರಿಶೀಲನೆ ನಡೆಸಿದರು.