21 ವರ್ಷದ ಹಿಂದೆ ಕಳ್ಳತನ: ಆರೋಪಿಯನ್ನು ಬಂಧಿಸಲು ಯಶಸ್ವಿಯಾದ ಪೊಲೀಸರು

ಅಂಕೋಲಾ: ಕಳೆದ 21 ವರ್ಷದ ಹಿಂದೆ ಕಳ್ಳತನ ಎಸಗಿ ನಾಪತ್ತೆಯಾಗಿದ್ದ ಆರೋಪಿಯನ್ನು ಅಂಕೋಲಾ ಪೊಲೀಸರು ಗೋವಾದ ಮೆರ್ಸಿ ಎಂಬಲ್ಲಿ ಬಂಧಿಸಿ ಕರೆತಂದ ಘಟನೆ ಶನಿವಾರ ನಡೆದಿದೆ.

ಮೂಲತ ಹಳಿಯಾಳ ತಾಲೂಕಿನ ಹಾಲಿ ಗೋವಾ ನಿವಾಸಿ ಚಂದ್ರಶೇಖರ ಯಾನೆ ರಾಜು ಬಣಜಿಗಾರ ಬಂಧಿತ ಆರೋಪಿಯಾಗಿದ್ದಾನೆ.

ಘಟನೆ ವಿವರ
ಕಳೆದ 2009ರಲ್ಲಿ ಕಳ್ಳತನ ಪ್ರಕರಣದಲ್ಲಿ ಬಂಧಿತನಾದ ವ್ಯಕ್ತಿ ನ್ಯಾಯಾಲಯದಲ್ಲಿ ವಿಚಾರಣೆ ವೇಳೆ ಹಾಜರಾಗದೆ ತಲೆಮರೆಸಿಕೊಂಡಿದ್ದ. ಅಂಕೋಲಾ ಠಾಣೆಯ ಸಿಪಿಐ ಸಂತೋಷ ಶೆಟ್ಟಿ ನೇತೃತ್ವದಲ್ಲಿ ವಿಶೇಷ ತಂಡ ರಚಿಸಿ ಆರೋಪಿಯನ್ನು ಬಂಧಿಸುವಲ್ಲಿ ಯಶಸ್ವಿಯಾಗಿದ್ದಾರೆ.

ಕಾರ್ಯಾಚರಣೆಯಲ್ಲಿ ಅಪರಾಧ ವಿಶೇಷ ದಳದ ಸಿಬಂದಿ ಶ್ರೀಕಾಂತ ಕಟಬರ, ಸುರೇಶ ಬಳ್ಳೋಳ್ಳಿ, ಮಾರುತಿ ಹಣಜಿಗರ ಇದ್ದರು.