ಮಾನವೀಯತೆ ಮೆರೆದ ಲಾರಿ ಚಾಲಕರು-ಮಾಲೀಕರ ಸಂಘ

ತೀರ್ಥಹಳ್ಳಿ: ಇತ್ತೀಚೆಗೆ ಕುಡುಮಲ್ಲಿಗೆ- ಬೆಜ್ಜವಳ್ಳಿ ಹೆದ್ದಾರಿಯಲ್ಲಿ ಲಾರಿ ಅಪಘಾತ ಸಂಭವಿಸಿ ಲಾರಿಯಲ್ಲಿದ್ದ ಪಟ್ಟಣದ ಮಿಲ್ಕೆರಿ ನಿವಾಸಿ ವೇಣು ಎಂಬ ಕಾರ್ಮಿಕ ಮೃತಪಟ್ಟು ಇನ್ನೋರ್ವ ವಿಶ್ವನಾಥ್‌ ಗಂಭೀರವಾಗಿ ಗಾಯಗೊಂಡು ಮಣಿಪಾಲ ಆಸ್ಪತ್ರೆಯಲ್ಲಿ ದಾಖಲಾಗಿದ್ದರು.

ಕಾರ್ಮಿಕ ವೇಣು ಅವರ ಕುಟುಂಬ ದಿನ ದುಡಿದು ಜೀವನ ನಿರ್ವಹಿಸುವ ಬಡ ವಿವಾಹಿತ ಕುಟುಂಬವಾಗಿದೆ. ಆರ್ಥಿಕ ಸಂಕಷ್ಟದ ಸಮಯದಲ್ಲಿ ತೀರ್ಥಹಳ್ಳಿ ಲಾರಿ ಮಾಲೀಕರು ಮತ್ತು ಚಾಲಕರ ಸಂಘದ ಸದಸ್ಯರೆಲ್ಲರೂ ಸೇರಿ ಅವರ ಕುಟುಂಬದವರಿಗೆ 30,000 ಹಾಗೂ ಗಂಭೀರ ಗಾಯಗೊಂಡಿರುವ ವಿಶ್ವನಾಥ್‌ ಅವರ ಚಿಕಿತ್ಸೆಗೆ 20,000 ಹಣವನ್ನು ನೀಡಿ ತಮ್ಮ ಮಾನವೀಯತೆಯನ್ನು ಮೆರೆದಿದ್ದಾರೆ. ಲಾರಿ ಮಾಲೀಕರು ಚಾಲಕರ ಸಂಘದ ರಾಘವೇಂದ್ರ ನಾಯಕ, ಮಂಜುನಾಥ್‌, ಮಹಾಲಕ್ಷಿ$¾, ಮೋಹನ್‌, ಚಂದ್ರು, ತೋμಕ್‌, ರಾಜು, ದೇವು, ಕೃಷ್ಣ, ಪ್ರಭು, ಸುನಿಲ್‌ ಮಹಾಲಕ್ಷಿ$¾, ಸುನೀಲ್‌ ಚೌಡೇಶ್ವರಿ, ಪುತ್ತಪ್ಪ ಇತರರು ಇದ್ದರು.