Mulki: ಕಂಟೈನರ್‌ ಲಾರಿಗೆ ಬೆಂಕಿ: ಆತಂಕದ ವಾತಾವರಣ

ಮೂಲ್ಕಿ: ಇಲ್ಲಿನ ಮೂಲ್ಕಿ ಶಾಂಭವಿ ನದಿ ಸೇತುವೆ ಸಮೀಪ ನಂದಿಕೂರು ಕೈಗಾರಿಕಾ ಪ್ರದೇಶದಿಂದ ಪ್ಲಾಸ್ಟಿಕ್‌ ಸಾಮಾಗ್ರಿಗಳನ್ನು ಹೊತ್ತು ಮಂಗಳೂರು ಬಂದರಿನತ್ತ ಸಾಗುತ್ತಿದ್ದ ಕಂಟೈನರ್‌ ಲಾರಿಗೆ ಬೆಂಕಿ ತಗಲಿದ ಕಾರಣ ಕೆಲವು ಹೊತ್ತು ಹೆದ್ದಾರಿಯಲ್ಲಿ ರಾತ್ರಿ ಹೊತ್ತು ರಸ್ತೆ ಸಂಚಾರದಲ್ಲಿ ಆತಂಕದ ವಾತಾವರಣ ಉಂಟಾಯಿತು.

ಮೂಲ್ಕಿ ಎಸ್‌ಐ ಅನಿತಾ ಅವರ ಉಸ್ತುವಾರಿಯಲ್ಲಿ ಸ್ಥಳೀಯರು ಬೆಂಕಿ ನಂದಿಸುವ ಕಾರ್ಯ ನಡೆಸಿ ಬೆಂಕಿ ನಂದಿಸುವಲ್ಲಿ ಯಶಸ್ವಿಯಾಗಿದ್ದಾರೆ. ಇದರಿಂದ ಭಾರೀ ಪ್ರಮಾಣದ ದುರಂತ ತಪ್ಪಿಹೋಗಿದೆ. ಬ್ರೇಕ್‌ಲೈನರ್‌ ಜಾಮ್‌ ಆಗಿರುವ ಕಾರಣ ಬೆಂಕಿ ಹತ್ತಿಕೊಂಡಿದೆ ಎಂದು ಹೇಳಲಾಗಿದೆ.