Palakkad: ಲಾರಿ ಅಪಘಾತದಲ್ಲಿ ನಾಲ್ವರು ವಿದ್ಯಾರ್ಥಿನಿಯರ ಸಾ*ವು

ಪಾಲಕ್ಕಾಡ್‌: ಸಿಮೆಂಟ್‌ ಹೇರಿ ಬಂದ ಲಾರಿ ನಿಯಂತ್ರಣ ಕಳೆದುಕೊಂಡು ಮಗುಚಿ ಬಿದ್ದು ನಾಲ್ವರು ವಿದ್ಯಾರ್ಥಿನಿಯರು ಸಾ*ವಿಗೀಡಾದ ಘಟನೆ ನಡೆದಿದೆ. ಕಲ್ಲಿಕೋಟೆ ಪಾಲಕ್ಕಾಡ್‌ ರಾಷ್ಟ್ರೀಯ ಹೆದ್ದಾರಿಯ ಕರಿಂಬಪನಯಾಂಪಾಡದಲ್ಲಿ ಅಪಘಾತ ಸಂಭವಿಸಿದ್ದು, ಕರಿಂಬ ಸರಕಾರಿ ಹೈಯರ್‌ ಸೆಕೆಂಡರಿ ಶಾಲೆಯ ಎಂಟನೇ ತರಗತಿ ವಿದ್ಯಾರ್ಥಿನಿಯರಾದ ರಿದ ಫಾತಿಮಾ (13), ಇರ್ಫಾನ ಶೆರಿನ್‌ (13), ನಿತ ಫಾತಿಮ (13) ಮತ್ತು ಆಯಿಶಾ (13) ಮೃತಪಟ್ಟರು. ಅಪಘಾತದಲ್ಲಿ ಗಾಯಗೊಂಡ ಕಾಸರಗೋಡು ನಿವಾಸಿಯಾದ ಲಾರಿ ಚಾಲಕ ವರ್ಗೀಸ್‌ (51). ಕ್ಲೀನರ್‌ ಮಹೇಂದ್ರ ಪ್ರಸಾದ್‌ (28) ಅವರನ್ನು ಮಣ್ಣಾರ್‌ಕಾಡ್‌ನ‌ ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಗಿದೆ.