ಉಡುಪಿ: ಮಣಿಪಾಲದ ಸಿಂಡಿಕೇಟ್‌ ಬ್ಯಾಂಕ್‌ ಗೋಲ್ಡನ್‌ ಜುಬಿಲಿ ಸಭಾಂಗಣದಲ್ಲಿ ರವಿವಾರ ಸಂಜೆ ನಡೆದ “ತೀರ್ಥವಿಟ್ಠಲ್‌-2019′ ಹಿಂದೂಸ್ಥಾನಿ ಭಕ್ತಿಸಂಗೀತ ಕಾರ್ಯಕ್ರಮ ನೆರೆದ ಸಾವಿರಾರು ಸಂಗೀತ ರಸಿಕರ ಕಿವಿ ಮತ್ತು ಹೃದಯಗಳಿಗೆ ತಂಪೆರೆಯಿತು, ಭಕ್ತಿ ರಸದಲ್ಲಿ ತೇಲಾಡಿಸಿತು.
ಸಂಗೀತ ಸಭಾ ಉಡುಪಿ ಮತ್ತು ಆಭರಣ ಜುವೆಲರ್ ಜತೆಗೂಡಿ ಈ ಕಾರ್ಯಕ್ರಮವನ್ನು ಆಯೋಜಿಸಿದ್ದವು.
ಸಂಗೀತ ಸಭಾದ ಟ್ರಸ್ಟಿ ಸಂಧ್ಯಾ ಕಾಮತ್‌, ಸದಸ್ಯೆ ಶಶಿಕಲಾ ಭಟ್‌, ವೀಣಾ ಮಹೇಶ್‌, ಸಂಗೀತಾ ರಂಗ ಪೈ ಅವರು ಕಾರ್ಯಕ್ರಮವನ್ನು ಉದ್ಘಾಟಿಸಿದರು. ಆ ಬಳಿಕ ನಡೆದ ಸಂಗೀತ ಕಾರ್ಯಕ್ರಮದಲ್ಲಿ ಕಲಾವಿದರಾದ ಪ್ರಥಮೇಶ್‌ ಲಗಾಟೆ, ಮುಗಾœ ವೈಶಂಪಾಯನ್‌ ಸಂಗೀತ ಸುಧೆಯನ್ನು ಹರಿಸಿದರು. ಸಹ ಕಲಾವಿದರಾಗಿ, ಹಾರ್ಮೋನಿಯಂನಲ್ಲಿ ನಿರಂಜನ್‌ ಲೆಲೆ, ತಬಲಾದಲ್ಲಿ ಶ್ರೀಪ್ರಸಾದ್‌ ಪಾದ್ಯೆ, ಪಖವಾಜ್‌ನಲ್ಲಿ ಕರುಣಾಕರ್‌ ಆಟಿಲ್‌ ಮತ್ತು ಮಂಜೀರದಲ್ಲಿ ಸೂರ್ಯಕಾಂತ ಸುರೆÌ ಸಹಕರಿಸಿದರು. ಸುಮಾರು ಮೂರು ತಾಸುಗಳ ಕಾಲ ನಿರಂತರವಾಗಿ ಭಕ್ತಿ ಸಂಗೀತೋತ್ಸವ ಕಾರ್ಯಕ್ರಮ ನಡೆಯಿತು.
ಸುಮಾರು 1,500ಕ್ಕೂ ಹೆಚ್ಚು ಮಂದಿ ಆಲಿಸಿ ಧನ್ಯರಾದರು. ಸಂಗೀತ ಸಭಾ ಅಧ್ಯಕ್ಷ ಟಿ. ರಂಗ ಪೈ, ಕಾರ್ಯದರ್ಶಿ ಅಜಿತ್‌ ಪೈ, ಕಾರ್ಯಕ್ರಮ ಪ್ರಾಯೋಜಕರಾದ ಗಣಪತಿ ಕಾಮತ್‌, ಅನಂತನಾರಾಯಣ ಪೈ ಉಪಸ್ಥಿತರಿದ್ದರು.
