Gold; ಜಗತ್ತಿನ ಅತಿದೊಡ್ಡ ಚಿನ್ನ ನಿಕ್ಷೇಪ ಚೀನದಲ್ಲಿ ಪತ್ತೆ!

ಬೀಜಿಂಗ್‌: ಕೇಂದ್ರ ಚೀನದಲ್ಲಿ ವಿಶ್ವದ ಅತಿ ದೊಡ್ಡ ಚಿನ್ನದ ಅದಿರು ನಿಕ್ಷೇಪ ಪತ್ತೆಯಾಗಿದ್ದು, ಇದರಲ್ಲಿ 1 ಸಾವಿರ ಮೆಟ್ರಿಕ್‌ ಟನ್‌ ಅತ್ಯುತ್ತಮ ಗುಣಮಟ್ಟದ ಸ್ವರ್ಣವಿದೆ ಎಂದು ಅಲ್ಲಿನ ಭೂಗರ್ಭಶಾಸ್ತ್ರಜ್ಞರು ಅಂದಾಜಿಸಿದ್ದಾರೆ.

ಇದರ ಮೌಲ್ಯ ಬರೋಬ್ಬರಿ 7 ಲಕ್ಷ ಕೋಟಿ ರೂ. (83 ಬಿಲಿಯ ಡಾಲರ್‌) ಆಗಿದೆ. ಈ ಮೂಲಕ 900 ಮೆಟ್ರಿಕ್‌ ಟನ್‌ ಚಿನ್ನದ ಅದಿರು ಹೊಂದಿರುವ ದಕ್ಷಿಣ ಆಫ್ರಿಕಾದ ಸೌತ್‌ ಡೀಪ್‌ ಗಣಿಯನ್ನು ಚೀನ ಹಿಂದಿಕ್ಕಿ ಜಗತ್ತಿನ ನಂಬರ್‌ 1 ಸ್ಥಾನಕ್ಕೆ ಏರಿದೆ.

ಪಿಂಗ್‌ಜಿಯಾಂಗ್‌ ಪ್ರಾಂತ್ಯದಲ್ಲಿ ಭೂಮಿಯ ಮೇಲ್ಮೆ„ಯಿಂದ 2 ಕಿ.ಮೀ. ಆಳದಲ್ಲಿ 40 ಚಿನ್ನದ ಶಿಲೆಗಳು ಪತ್ತೆಯಾಗಿದ್ದು, ಪ್ರಾಥಮಿಕವಾಗಿ 300 ಮೆಟ್ರಿಕ್‌ ಟನ್‌ ಚಿನ್ನದ ಅದಿರು ಇದೆ. 3 ಕಿ.ಮೀ. ವರೆಗೆ ಆಳಕ್ಕೆ ಸಾಗಿದರೆ 1,000 ಮೆಟ್ರಿಕ್‌ ಟನ್‌ವರೆಗೆ ಚಿನ್ನದ ಅದಿರು ದೊರೆಯಬಹುದು. ಜತೆಗೆ ಇಲ್ಲಿನ ಪ್ರತೀ ಟನ್‌ ಅದಿರಿನಿಂದ 138 ಗ್ರಾಂ ಅತ್ಯುತ್ತಮ ಗುಣಮಟ್ಟದ ಚಿನ್ನ ದೊರೆಯಬಹುದು ಎಂದು ಭೂಗರ್ಭ ಶಾಸ್ತ್ರಜ್ಞರು ಹೇಳಿದ್ದಾರೆ. ವಿಶ್ವದಲ್ಲಿ ಸದ್ಯ ಪ್ರತಿ ಟನ್‌ ಅದಿರಿಗೆ 8 ಗ್ರಾಂ ಅತ್ಯುತ್ತಮ ಗುಣಮಟ್ಟದ ಚಿನ್ನ ದೊರೆತರೆ ಅದನ್ನು ಹೈ ಗ್ರೇಡ್‌ ಎಂದು ವಿಂಗಡಿಸಲಾಗುತ್ತದೆ.