Mumbai: ಬರ್ತ್‌ಡೇಗೆ ದುಬಾೖಗೆ ಕರೆದೊಯ್ಯದ ಪತಿಯನ್ನು ಗುದ್ದಿ-ಗುದ್ದಿ ಕೊಂದ ಪತ್ನಿ!

ಮುಂಬಯಿ: ಬರ್ತ್‌ಡೇ ಆಚರಣೆಗೆ ದುಬಾೖಗೆ ಕರೆದುಕೊಂಡು ಹೋಗಲಿಲ್ಲವೆನ್ನುವ ಕೋಪದಲ್ಲಿ ಪುಣೆಯ ಮಹಿಳೆಯೊಬ್ಬರು ತಮ್ಮ ಪತಿಯ ಮೂಗಿಗೆ ಗುದ್ದಿ ಗಾಯಗೊಳಿಸಿ ಕೊಂದಿರುವ ಘಟನೆ ವರದಿಯಾಗಿದೆ. ವನ್ವಾಡಿ ನಗರದ ಅಪಾರ್ಟ್‌ ಮೆಂಟ್‌ ನಿವಾಸಿಗಳಾಗಿದ್ದ ರೇಣುಕಾ (38) ಮತ್ತು ನಿಖೀಲ್‌ ಖನ್ನಾ (36) ದಂಪತಿ 6 ವರ್ಷದ ಹಿಂದೆ ಪ್ರೀತಿಸಿ ಮದುವೆಯಾಗಿದ್ದರು.

ಇತ್ತೀಚೆಗೆ ರೇಣುಕಾ ಹುಟ್ಟುಹಬ್ಬಕ್ಕೆ ಪತಿ ದುಬಾೖಗೆ ಕರೆದುಕೊಂಡು ಹೋಗಬಹುದೆಂದು ನಿರೀಕ್ಷಿಸಿದ್ದರು. ಪತಿ ಅದನ್ನು ನೆರವೇರಿಸದೇ ಇದ್ದಾಗ ಇಬ್ಬರ ಮಧ್ಯೆ ಜಗಳ ಆರಂಭವಾಗಿ ರೇಣುಕಾ, ನಿಖೀಲ್‌ ಮೂಗಿಗೆ ಗುದ್ದಿದ್ದಾರೆ. ಇದರಿಂದ ತೀವ್ರ ರಕ್ತಸ್ರಾವವಾಗಿ ಪತಿ ಮೃತಪಟ್ಟಿದ್ದಾರೆ.