“ದಿ ವಿಲನ್‌’ಸ್ಟಂಟ್‌ಗೆ ಸಖತ್‌ ಪ್ಲಾನಿಂಗ್‌!

“ದಿ ವಿಲನ್‌’ ಚಿತ್ರದ ಚಿತ್ರೀಕರಣಕ್ಕೆ ಪ್ರೇಮ್‌ ಮತ್ತು ಸುದೀಪ್‌ ಕಳೆದ ವಾರವೇ ಬ್ಯಾಂಕಾಕ್‌ಗೆ ಹೋಗಿದ್ದರು. ಆದರೆ, ಲೊಕೇಶನ್‌ಗಳ ಹುಡುಕಾಟ, ಪ್ಲಾನಿಂಗ್‌ನಿಂದಾಗಿ ಇಷ್ಟು ದಿನ ಚಿತ್ರೀಕರಣ ಇನ್ನೂ ಶುರುವಾಗಿರಲಿಲ್ಲ. ಬುಧವಾರ ಚಿತ್ರೀಕರಣ ಶುರುವಾಗಿದೆ ಥಾಯ್ಲೆಂಡ್‌ ಜನಪ್ರಿಯ ಫೈಟ್‌ ಮಾಸ್ಟರ್‌ ನ್ಯೂಂಗ್‌ ಅವರ ಸಾಹಸ ನಿರ್ದೇಶನದಲ್ಲಿ ಸಾಹಸ ದೃಶ್ಯಗಳ ಚಿತ್ರೀಕರಣ ಮಾಡಲಾಗಿದೆ. ಅದಕ್ಕಾಗಿ ನ್ಯೂಂಗ್‌ ಅವರ ಜೊತೆಗೆ ಕುಳಿತು ಸಾಕಷ್ಟು ಪ್ಲಾನ್‌ ಮಾಡಿಯೇ ಫೀಲ್ಡ್‌ಗೆ ಇಳಿದಿದ್ದಾರೆ ಪ್ರೇಮ್‌.

ಇನ್ನು ಬ್ಯಾಂಕಾಕ್‌ನಲ್ಲಿ ಮುಂದಿನ ತಿಂಗಳವರೆಗೂ ಚಿತ್ರೀಕರಣ ನಡೆಯಲಿದ್ದು, ಈ ಚಿತ್ರೀಕರಣದಲ್ಲಿ ಶಿವರಾಜಕುಮಾರ್‌, ಆ್ಯಮಿ ಜಾಕ್ಸನ್‌ ಸಹ ಸೇರಿಕೊಳ್ಳಲಿದ್ದಾರೆ. ಅಲ್ಲಿಂದ ಚಿತ್ರತಂಡ ವಾಪಸ್ಸು ಬಂದು ಲಂಡನ್‌, ಚೀನಾ ಮುಂತಾದ ಕಡೆ ಚಿತ್ರೀಕರಣ ಮಾಡಲಿದೆ. “ದಿ ವಿಲನ್‌’ ಚಿತ್ರಕ್ಕೆ ಪ್ರೇಮ್‌ ಕಥೆ-ಚಿತ್ರಕಥೆ ಬರೆದು ನಿರ್ದೇಶಿಸುತ್ತಿದ್ದು, ಸಿ.ಆರ್‌. ಮನೋಹರ್‌ ನಿರ್ಮಿಸುತ್ತಿದ್ದಾರೆ. ಚಿತ್ರಕ್ಕೆ ಅರ್ಜುನ್‌ ಜನ್ಯ ಸಂಗೀತವಿದ್ದು, ಚಿತ್ರದಲ್ಲಿ ಮಿಥುನ್‌ ಚಕ್ರವರ್ತಿ, ಶ್ರೀಕಾಂತ್‌, ಶ್ರುತಿ ಹರಿಹರನ್‌ ಮುಂತಾದವರು ನಟಿಸುತ್ತಿದ್ದಾರೆ.