Theft: ಲಕ್ಷಾಂತರ ರೂ.ಕಳವು  

ಉಡುಪಿ: ಕುಂಜಿಬೆಟ್ಟುವಿನಲ್ಲಿರುವ ಕ್ವಾಟ್ರಸ್‌ಗೆ ನುಗ್ಗಿದ ಕಳ್ಳರು ಲಕ್ಷಾಂತರ ರೂ.ಮೌಲ್ಯದ ಚಿನ್ನಾಭರಣ ಕಳವುಮಾಡಿದ ಘಟನೆ ನಡೆದಿದೆ.

ಕುಂಜಿಬೆಟ್ಟುವಿನ ಎಸ್‌ಆರ್‌ಎಸ್‌ ಸ್ಟಾಫ್ ಕ್ವಾಟ್ರಸ್‌ನಲ್ಲಿ ವಾಸವಿರುವ ಗಂಗಾಧರ ಅವರ ವಾಸವಿದ್ದ ಕ್ವಾಟ್ರಸ್‌ ಇದಾಗಿದ್ದು, ಆ.8ರಂದು ಈ ಘಟನೆ ನಡೆದಿದೆ. ಇವರು ಮನೆಯಲ್ಲಿಲ್ಲ ವೇಳೆ ಕಳ್ಳರು ಮನೆಯ ಮುಂಭಾಗ ಲಾಕ್‌ ಮಾಡಿದ ಬಾಗಿಲನ್ನು ತೆರೆದು ಒಳ ಪ್ರವೇಶಿಸಿ ಮನೆಯ ಬೆಡ್‌ ರೂಮಿನಲ್ಲಿದ್ದ ಗೋದ್ರೇಜ್‌ ಸೇಫ್ ಲಾಕರಿನಲ್ಲಿಟ್ಟಿದ್ದ ಸುಮಾರು 6 ಪವನ್‌ ತೂಕದ ಚಿನ್ನದ ಕರಿಮಣಿ ಸರ, ಸುಮಾರು 6 ಗ್ರಾಂ ತೂಕದ ಮುತ್ತಿನ ಸರ, ಸುಮಾರು 2 ಪವನ್‌ ತೂಕದ ಚಿನ್ನದ ಸರ, ಸುಮಾರು 5 ಗ್ರಾಂ ತೂಕದ ಸಣ್ಣದ ಚಿನ್ನದ ಸರ, ಒಂದು ಪವನ್‌ ತೂಕದ ಚಿನ್ನದ 2 ಬಳೆ 2, ಒಟ್ಟು 13 ಗ್ರಾಂ ತೂಕದ ಚಿನ್ನದ 6 ಕಿವಿಯೋಲೆಗಳು, ಒಟ್ಟು 6 ಗ್ರಾಂ ತೂಕದ ಚಿನ್ನದ 2 ಉಂಗುರ, ಅಂದಾಜು 12 ಗ್ರಾಂ ತೂಕದ ಮಕ್ಕಳ ಸಣ್ಣ 12 ಉಂಗುರ, ಒಟ್ಟು ಅಂದಾಜು 116 ಗ್ರಾಂ ತೂಕದ ಚಿನ್ನಾಭರಣಗಳನ್ನು ಕಳವು ಮಾಡಿಕೊಂಡು ಹೋಗಿದ್ದಾರೆ. ಕಳವಾದ ಸೊತ್ತುಗಳ ಒಟ್ಟು ಅಂದಾಜು ಮೌಲ್ಯ 6,30,000ರೂ.ಆಗಿದೆ. ನಗರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.