“ಅಮೃತ್‌ ಅಪಾರ್ಟ್‌ಮೆಂಟ್‌’ನಲ್ಲಿ ನಡೆಯಿತು ಹಾಡುಗಳ ಮುದ್ರಣ

“ಅಮೃತ್‌ ಅಪಾರ್ಟ್‌ಮೆಂಟ್‌’ ಚಿತ್ರದ ಹಾಡುಗಳ ಮುದ್ರಣ ಕಾರ್ಯ ಇತ್ತೀಚೆಗೆ ನಡೆಯಿತು. ಚಿತ್ರದಲ್ಲಿ ಬರುವ ಎರಡು ಹಾಡುಗಳನ್ನು ಸಂಗೀತ ನಿರ್ದೇಶಕ ಎಸ್‌.ಡಿ ಅರವಿಂದ್‌ ಸಂಗೀತ ನಿರ್ದೇಶನದಲ್ಲಿ ಮುದ್ರಿಸಿಕೊಳ್ಳಲಾಯಿತು.

ಚಿತ್ರದ ಮೊದಲ ಹಾಡನ್ನು ಡಾ.ಬಿ.ಆರ್‌ ಪೊಲೀಸ್‌ ಪಾಟೀಲ್‌ ಬರೆದಿದ್ದು, “ನಾವು ಬಂದೇವ್‌ ಬೆಂಗಳೂರು ನೋಡುದ್ದುಕ್‌…’ ಎಂಬ ಜನಪದ ಶೈಲಿಯ ಹಾಡನ್ನು ಇಂದಿನ ಸಮಕಾಲೀನ ವಾದ್ಯಗಳ ಸಂಯೋಜನೆಯಲ್ಲಿ ತೇಜಸ್‌ ಹರಿದಾಸ್‌ ಅವರ ಧ್ವನಿಯಲ್ಲಿ ಮುದ್ರಿಸಲಾಯಿತು. ಚಿತ್ರದ ಮತ್ತೂಂದು ಗೀತೆಗೆ ಕೆ. ಕಲ್ಯಾಣ್‌ ಸಾಹಿತ್ಯ ಒದಗಿಸಿದ್ದು,

“ಶುರುವಾಗಬೇಕು ಮತ್ತೂಮ್ಮೆ ನಮ್ಮ ಒಲವು…’ ಎಂಬ ಸಾಲುಗಳಿಂದ ಶುರುವಾಗುವ ಈ ಗೀತೆಗೆ ವಾಣಿ ಹರಿಕೃಷ್ಣ, ಅಜಯ್‌ ವಾರಿಯರ್‌ ಧ್ವನಿಯಾಗಿದ್ದಾರೆ. ಸದ್ಯ ಪೋಸ್ಟ್‌ ಪ್ರೊಡಕ್ಷನ್‌ ಕೆಲಸದಲ್ಲಿ ನಿರತವಾಗಿರುವ “ಅಮೃತ್‌ ಅಪಾರ್ಟ್‌ಮೆಂಟ್‌’ ಚಿತ್ರವನ್ನು ಗುರುರಾಜ ಕುಲಕರ್ಣಿ ನಿರ್ಮಾಣ, ನಿರ್ದೇಶನ ಮಾಡುತ್ತಿದ್ದಾರೆ. ಜೂನ್‌ ವೇಳೆಗೆ “ಅಮೃತ್‌ ಅಪಾರ್ಟ್‌ ಮೆಂಟ್‌’ ತೆರೆಗೆ ಬರುವ ಸಾಧ್ಯತೆ ಇದೆ.