ಪೈಗಂಬರ್ ಜಯಂತಿ ಗಮನ ಸೆಳೆದ ರಾಷ್ಟ್ರಧ್ವಜ ಮೆರವಣಿಗೆ

ಗಂಗಾವತಿ: ಇಸ್ಲಾಂ ಧರ್ಮದ ಸ್ಥಾಪಕ ಪ್ರವಾದಿ ಮಹಮ್ಮದ್ ಪೈಗಂಬರ್ ಜಯಂತಿಯನ್ನು ನಗರದಲ್ಲಿ ಸಡಗರ ದಿಂದ ಆಚರಿಸಲಾಯಿತು.

ನಗರದ ಬೇರೂನಿ ಆಬಾದಿ ಮಸೀದಿಯಿಂದ ಮೆರವಣಿಗೆಗೆ ಚಾಲನೆ ನೀಡಲಾಯಿತು. ವಿವಿಧ ವಾರ್ಡುಗಳಿಂದ ಮೆಕ್ಕಾ ಮದೀನಾ ಸ್ತಬ್ಧ ಚಿತ್ರ ಹಾಗು ಅರಬ್ಬಿ ಉರ್ದು ಶಾಲೆಯ ಮಕ್ಕಳು ಮೆರವಣಿಗೆಯಲ್ಲಿ ಪಾಲ್ಗೊಂಡಿದ್ದರು. ಯುವಕರು ಇಸ್ಲಾಂ ಧ್ವಜದ ಜತೆ ರಾಷ್ಟ್ರದ ಧ್ವಜ ಹಿಡಿದು ಘೋಷಣೆ ಹಾಕಿದರು. ಕಲ್ಮಠದ ಪೂಜ್ಯ ಡಾ.ಕೊಟ್ಟರೂ ಮಹಾಸ್ವಾಮಿ, ಮಾಜಿ ಸಚಿವ ಇಕ್ಬಾಲ್ ಅನ್ಸಾರಿ , ಮಾಜಿ ಎಂಎಲ್ ಸಿ ಎಚ್.ಆರ್.ಶ್ರೀ ನಾಥ ಸೇರಿ ವಿವಿಧ ಪಕ್ಷಗಳ ರಾಜಕೀಯ ನಾಯಕರು ಪೈಗಂಬರ್ ಜಯಂತಿ ಮೆರವಣಿಗೆಗೆ ಶುಭ ಕೋರಿದರು.