Advertisement
ಕೋವಿಡ್ 19 ಹರಡುವಿಕೆ ಬಗ್ಗೆ ಚೀನಕ್ಕೆ ಮೊದಲೇ ಗೊತ್ತಿತ್ತು. ಆದರೂ ಅದು ತಡೆಯಲು ಮುಂದಾಗಲಿಲ್ಲ. ಇದರಿಂದಾಗಿ ಇಡೀ ಜಗತ್ತೇ ನರಳುತ್ತಿದೆ. ಒಂದು ವೇಳೆ ಚೀನ ಗೊತ್ತಿದ್ದೆ ಈ ಕೆಲಸ ಮಾಡಿದೆ ಎಂದಾಗಿದ್ದರೆ ಅದು ತಕ್ಕ ಪಾಠ ಅನುಭವಿಸಿಯೇ ತೀರುತ್ತದೆ ಎಂದು ಹೇಳಿದ್ದಾರೆ.
ಚೀನವು ವುಹಾನ್‌ನಲ್ಲಿ ಸಾವಿನ ಸಂಖ್ಯೆಯನ್ನು ಹೆಚ್ಚಳ ಮಾಡಿದ ಬಗ್ಗೆ ಮಾತನಾಡಿದ ಟ್ರಂಪ್‌, ಕೋವಿಡ್ 19 ದಿಂದ ಚೀನದಲ್ಲಿ ಸಾವಿಗೀಡಾದವರ ಸಂಖ್ಯೆಯನ್ನು ಭಾರೀ ಕಡಿಮೆ ಎಂಬಂತೆ ತೋರಿಸಲಾಗಿದೆ. ಬೇರೆ ದೇಶಗಳಿಗೆ ಹೋಲಿಕೆ ಮಾಡಿದರೆ ಅಲ್ಲಿನ ಸಾವಿನ ಪ್ರಮಾಣ ಶೇ.0.33. ಇದನ್ನು ನಂಬಲು ಸಾಧ್ಯವೇ? ಚೀನವು ಸಾವಿನ ಸಂಖ್ಯೆಯನ್ನೂ ಮುಚ್ಚಿಟ್ಟಿದೆ ಎಂದೂ ಆರೋಪಿಸಿದ್ದಾರೆ.
Related Articles
ಅಮೆರಿಕದ ಮಿಯಾಮಿಯಲ್ಲಿರುವ ಬರ್ಮಿನ್‌ ಲಾ ಗ್ರೂಪ್‌ ಚೀನದ ವಿರುದ್ಧ ದಾವೆ ಹೂಡಿದ್ದು, ಇಡೀ ವಿಶ್ವವು ಕೋವಿಡ್ 19ದಿಂದ ತತ್ತರಿಸಲು ಚೀನದ ಕಮ್ಯೂನಿಸ್ಟ್‌ ನಾಯಕರೇ ಕಾರಣ. ವುಹಾನ್‌ನಲ್ಲಿ ಈ ರೋಗ ಕಾಣಿಸಿಕೊಂಡಾಗಲೇ ಚೀನ ಉದ್ದೇಶಪೂರ್ವಕವಾಗಿ ಇದು ಹೊರ ಜಗತ್ತಿಗೆ ತಿಳಿಯದಂತೆ ತಡೆಹಿಡಿಯಿತು. ಎಚ್ಚರಿಕೆ ನೀಡಿದ್ದ ವೈದ್ಯರನ್ನು ನಿಶ್ಶಬ್ದಗೊಳಿಸಿತು. ಹಾಗಾಗಿ ಇಂದು ಆಗಿರುವ ಎಲ್ಲ ಅವಘಡಕ್ಕೂ ಚೀನದ ನಾಯಕರೇ ಕಾರಣ ಎಂದು ಆರೋಪಿಸಿದೆ.
Advertisement
ಇಸ್ರೇಲ್‌ನ ಎನ್‌ಜಿಒ ಒಂದು ಕೂಡ ಚೀನ ವಿರುದ್ಧ ಕಾನೂನು ಕ್ರಮ ಕೈಗೊಳ್ಳಲು ನಿರ್ಧರಿಸಿದೆ.
ಪ್ರಮುಖ ರಾಷ್ಟ್ರಗಳ ಆಕ್ರೋಶ ಈಗಾಗಲೇ ಬ್ರಿಟನ್‌, ಫ್ರಾನ್ಸ್‌ ಸಹಿತ ಹಲವಾರು ದೇಶಗಳು ಚೀನ ಬಗ್ಗೆ ಆಕ್ರೋಶ ವ್ಯಕ್ತಪಡಿಸುತ್ತಿವೆ. ಈ ನಡುವೆ ಜಪಾನ್‌ ಮತ್ತು ದಕ್ಷಿಣ ಕೊರಿಯಾದಲ್ಲಿನ ಹಲವಾರು ಕಂಪೆನಿಗಳು ಚೀನದಲ್ಲಿರುವ ತಮ್ಮ ಶಾಖೆಗಳನ್ನು ಭಾರತಕ್ಕೆ ಸ್ಥಳಾಂತರಿಸಲು ಮುಂದಾಗಿವೆ. ಈಗಾಗಲೇ ಭಾರತವು ಚೀನದ ಎಫ್ಡಿಐ ಅಡ್ಡದಾರಿಯನ್ನು ನಿರ್ಬಂಧಿಸಿದೆ. ಒಟ್ಟಾರೆಯಾಗಿ ಚೀನ ಜಾಗತಿಕವಾಗಿ ಏಕಾಂಗಿಯಾಗುವ ಸ್ಥಿತಿ ಎದುರಾಗಿದೆ.